Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
En il sectur da las scolas medias, da la furmaziun terziara e da la perscrutaziun realisescha l'Uffizi per la furmaziun media-superiura las incumbensas da la politica da furmaziun da la Regenza e dal Departament d'educaziun, cultura e protecziun da l'ambient a favur d'in Grischun sco lieu da furmaziun e da perscrutaziun attractiv.
La partiziun Scolas medias è responsabla per exequir las disposiziuns legalas respectivas per las scolas medias. Las var 2300 scolaras e scolars da scola media sa repartan en il chantun Grischun sin la Scola chantunala grischuna a Cuira e sin las otg scolas medias privatas en las regiuns. Tut tenor il lieu vegnan purschidas differentas scolaziuns – gimnasi, scola media commerziala (SMC), scola media spezialisada (SMS) e scola media d'informatica (SMI).
Per la partiziun Scolas medias da l'Uffizi per la furmaziun media-superiura tschertgain nus per il 1. da mars 2027 u tenor cunvegna ina referendaria u in referendari Administraziun.
Voss champ d'incumbensas
- Far lavurs administrativas en il sectur dals examens d'admissiun chantunals
- Tgirar las paginas d'internet e las applicaziuns en il sectur dals examens d'admissiun chantunals (p.ex. software sin basa dal browser per s'annunziar a l'examen) incl. support dals utilisaders, sch'els han dumondas tecnicas en connex cun l'annunzia
- Far lavurs specificas administrativas en il sectur dals examens finals a las scolas medias (p.ex. sustegnair l'attribuziun, la coordinaziun ed il rendaquint dals engaschaments d'expertas ed experts)
- Controllar ed elavurar las datas en il sectur da l'administraziun dals scolars sco er tgirar l'applicaziun utilisada per quest intent, incl. support dals utilisaders
- Far lavurs specificas generalas e da secretariat per sustegnair la direcziun da la partiziun
- Substituir il secretariat da l'uffizi (substituziun durant las vacanzas) sco er ulteriuras incumbensas
Quai che nus giavischain da Vus
- Scolaziun commerziala da basa cun maturitad professiunala u scola media commerziala cun maturitad professiunala, ulteriuras furmaziuns supplementaras en il sectur administrativ èn d'avantatg
- Enconuschientschas fundadas dal sistem da furmaziun dal Grischun (midadas dal stgalim primar–sec I–sec II, structura da gimnasi/SMC/SMS/SMI) èn d'avantatg
- Fitg bunas enconuschientschas da las applicaziuns da Microsoft Office (en spezial Word, Excel, PowerPoint, Outlook) ed affinitad per modas da lavurar digitalas e per sistems da bancas da datas
- Enconuschientschas dals sistems digitals chantunals CMI ed Abacus èn d'avantatg
- Moda da lavurar exacta, fidada ed independenta cun grond senn per qualitad sco er abilitad da supportar squitsch durant ils temps da blera lavur
- Fitg bunas enconuschientschas dal tudestg a bucca ed en scrit, enconuschientschas da pliras linguas chantunalas
- Ferma orientaziun als servetschs, abilitad da lavurar en in team e plaschair dal contact cun scolas, geniturs ed autoritads
- Prontezza da concepir la lavur en moda flexibla, en spezial durant la fasa dals examens d'admissiun che dura dal november fin l'avrigl
Nus ans legrain da Vossa annunzia online e da far Vossa enconuschientscha.