Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Dretgira regiunala Landquart è ina dretgira civila e penala d'emprima instanza cun sedia a Landquart.Sco collavuratura u collavuratur da chanzlia avais Vus – en in pitschen team – la cunresponsabladad che tut las fatschentas dal manaschi da dretgira, las qualas sa refereschan a la chanzlia, vegnian liquidadas senza disturbis e senza sbagls.
Nus tschertgain per il 1. da schaner 2027 u tenor cunvegna ina collavuratura u in collavuratur da chanzlia per la Dretgira regiunala Landquart.
Voss champ d'incumbensas
- Gestiun administrativa dals cas (da lur entrada fin a lur archivaziun)
- Organisar ed elavurar posteriuramain tractativas, audiziuns ed interrogaziuns
- Scriver protocols d'interrogaziuns e da tractativas
- Elavurar decisiuns independentamain u tenor prescripziuns
- Scriver independentamain diversas correspundenzas, disposiziuns processualdirectivas e decisiuns
- Servetsch da spurtegl e da telefon
Quai che nus giavischain da Vus
- Emprendissadi administrativ u commerzial terminà
- En il cas ideal experientscha professiunala da plirs onns tar ina dretgira u en in'advocatura
- Fitg bunas enconuschientschas dal tudestg
- Bunas enconuschientschas da la IT
- Moda da lavurar structurada, prospectiva, independenta e precisa
- Persunalitad fidada ch'è abla da lavurar en in team
Nus ans legrain da Vossa annunzia online e da far Vossa enconuschientscha.