Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la scola populara ed il sport (USS) tutga tar il Departament d'educaziun, cultura e protecziun da l'ambient dal chantun Grischun.
La partiziun Servetschs e finanzas è responsabla per las incumbensas administrativas, giuridicas e finanzialas centralas da l'Uffizi per la scola populara ed il sport. Ella sustegna ils differents secturs da l'uffizi en connex cun dumondas giuridicas ed organisatoricas, elavura fatschentas e documents uffizials e garantescha ils process interns sco er la collavuraziun cun posts chantunals e cun partenaris externs.
Nus tschertgain per il 1. da favrer 2027 u tenor cunvegnaina collavuratura giuridica u in collavuratur giuridic per 60–80 %.
Voss champ d'incumbensas
- Vus avais la responsabladad principala per ils fatgs giuridics da l'uffizi ed essas la persuna da contact per dumondas giuridicas vers anen ed anora.
- Vus cussegliais la direcziun da l'uffizi sco er las collavuraturas ed ils collavuraturs en dumondas giuridicas e purschais ad els sustegn giuridic per giuditgar projects ed incumbensas.
- Vus sustegnais la direcziun da l'uffizi en connex cun incaricas da stab generalas e specificas sco er cun la preparaziun da posiziuns e cun l'elavuraziun da dumondas ed incumbensas dal departament.
- Vus elavurais en moda independenta projects legislativs ed accumpagnais quels davent da la concepziun fin a la realisaziun.
Quai che nus giavischain da Vus
- Vus avais terminà in studi universitar da giurisprudenza.
- En il cas ideal avais Vus experientscha professiunala en dretg administrativ e/u en l'administraziun publica.
- Vus avais bunas enconuschientschas dal dretg administrativ dal chantun Grischun u la prontezza d'As acquistar talas en moda fundada.
- Vus avais interess per dumondas politicas e socialas e savais giuditgar connexs giuridics en in context pli vast.
- Vus avais in pensar analitic e cumplessiv, in bun dun receptiv sco er ina moda da lavurar structurada ed independenta.
- Vus avais ina fitg buna expressiun a bucca ed en scrit e savais intermediar fatgs giuridics cumplexs en moda chapaivla e confurm als adressats.
- Vus lavurais en moda fidada, cun responsabladad ed As orientond a soluziuns e persvadais cun Vossa demananza segira e confidenta.
- Bunas enconuschientschas da pliras linguas chantunalas èn d'avantatg.
Nus ans legrain da Vossa annunzia online e da far Vossa enconuschientscha.