Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Es ti pronta u pront da gidar a sviluppar la transfurmaziun digitala? Sco center da servetschs e da cumpetenzas per IT da l'administraziun chantunala dal Grischun sustegnain nus nossa clientella interna cun ina infrastructura da basa segira e cun applicaziuns progressivas. Ensemen cun tai faschain nus avanzar la transfurmaziun digitala dal chantun Grischun.
Nus sco Uffizi d'informatica tschertgain perquai per immediat u tenor cunvegnain'architecta u in architect da tecnologia dad ICT.
Tes champ d'incumbensas
- Ti observas e giuditgeschas novas tecnologias areguard ed en connex cun l'administraziun, actualmain cun focus sin l'intelligenza artifiziala e sin cloud services.
- Ti sviluppas architecturas tecnicas e defineschas princips architectonics, standards e directivas tecnologicas per nossa administraziun.
- Ti cusseglias noss secturs specifics tar la tscherna da tecnologias e plattafurmas adattadas.
- Ti gidas a sviluppar vinavant nossa plattafurma da Microsoft Azure sco er ils servetschs da SaaS/PaaS.
- Ti analiseschas cuntradas d'applicaziun existentas ed elavuras strategias per modernisar quellas.
- Ti procuras per la cumpatibilitad tranter innovaziun, segirezza da las infurmaziuns, protecziun da datas, manaschi e governance.
Quai giavischain nus da tai
- In diplom da scola auta en informatica, informatica economica u en economia da manaschi cun ina furmaziun supplementara en IA, architecturas da cloud u segirezza dad IT
- Experientscha professiunala da plirs onns en ils secturs cloud computing, SaaS/PaaS ed architecturas ibridas u segirezza dad IT
- Experientscha en la modernisaziun e la migraziun d'applicaziuns e da plattafurmas
- Chapientscha per frameworks d'architectura, governance e pretensiuns da segirezza
- Bunas abilitads da communitgar ed ina moda da lavurar structurada ed orientada al team
- Bunas enconuschientschas da pliras linguas chantunalas èn d'avantatg
Nus ans legrain da tia annunzia online e d'emprender d'enconuscher tai.