Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, la construcziun, il mantegniment e la gestiun da las vias chantunalas sco er per la correcziun dals curs d'aua e per il traffic plaun en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter auter punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, rendan nossa lavur pretensiusa e multifara. Sco uffizi certifitgà sco «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).
Per la partiziun Mantegniment da las vias tar il district 2 Mesocco tschertgain nus per il 1. da schaner 2027 u tenor cunvegna ina manadra u in manader Manaschi
Voss champ d'incumbensas
- Manar professiunalmain e persunalmain il team Mantegniment funcziunal
- Planisar e realisar il mantegniment funcziunal da las vias chantunalas e da las vias naziunalas
- Planisar las acziuns da las quatter gruppas da mantegniment cun tut en tut var 30 collavuraturas e collavuraturs, vehichels ed apparats en collavuraziun cun ils quatter capolavurers ch'èn suttamess directamain a Vus
- Sustegnair il ressort Construcziun cun incumbensas da manader da construcziun per il mantegniment architectonic da las vias chantunalas
- Far servetsch da pichet sco manadra u manader d'acziun
Quai che nus giavischain da Vus
- Diplom sco poliera u polier ubain sco manadra u manader da construcziun
- Experientscha da plirs onns en ils secturs construcziun da vias u mantegniment da vias
- Experientscha da manar persunas e pensar d'interprendider
- Forza da persvader ed atgna iniziativa
- Gronda autonomia e grond senn da responsabladad
- Bunas abilitads d'utilisar il computer
- La lingua da lavur generala è talian, bunas enconuschientschas dal tudestg vegnan premessas
Nus ans legrain da Vossa annunzia online e da far Vossa enconuschientscha.