Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Dretgira regiunala Plessur è ina dretgira civila e penala d'emprima instanza cun sedia a Cuira. Ad ella èn affiliadas er la Dretgira chantunala da mesiras repressivas e l'Uffizi da mediaziun cun l'Autoritad da mediaziun per dumondas da locaziun da la regiun Plessur. La chargia da lavur cumpiglia ca. 2200 cas per onn (inclusiv ils cas da la Dretgira da mesiras repressivas).
Per la Dretgira regiunala Plessur tschertgain nus per il 1. da fanadur 2027 u tenor cunvegna ina praticanta giuridica u in praticant giuridic.
Voss champ d'incumbensas
- Scleriments giuridics en il dretg civil, dretg penal, dretg da procedura civila e penala, dretg d'ierta sco er dretg da scussiun e da concurs.
- Sustegn da las derschadras e dals derschaders en la direcziun da process
- Protocollaziun durant las tractativas giudizialas ed en connex cun las registraziuns da cumprovas
- Redacziun da decisiuns, sentenzias, conclus e disposiziuns
Quai che nus giavischain da Vus
- Studi da giurisprudenza terminà (lic. iur. u MLaw)
- Experientscha pratica, en il cas ideal tar ina dretgira, en in'advocatura u tar l'administraziun publica
- Moda da lavurar structurada, prospectiva, independenta e precisa
- Persunalitad fidada e discreta ch'è abla da lavurar en in team e da supportar squitsch.
Nus ans legrain da Vossa annunzia online e da far Vossa enconuschientscha.