Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da migraziun e da dretg civil ha actualmain passa 230 collavuraturas e collavuraturs en pli che 20 lieus ed è cumpetent per tut las incumbensas dal sectur da migraziun, q.v.d. en spezial per conceder e retrair permissiuns, per la collocaziun e l'assistenza, per l'execuziun d'expulsiuns sco er per l'integraziun. Plinavant vegnan emess documents d'identitad per burgaisas e burgais svizzers, realisadas natiralisaziuns ed exequida la surveglianza da las autoritads da stadi civil. La sedia principala da l'Uffizi da migraziun e da dretg civil è a Cuira.
Per l'Uffizi da migraziun e da dretg civil tschertgain nus a partir dal 1. da december 2026 u tenor cunvegna in'assistenta u in assistent d'administraziun per il sectur spezial Entrada en Svizra.
Voss champ d'incumbensas
- Controllar ed elavurar las dumondas ch'entran
- Emetter documents e permissiuns dal dretg da persunas estras
- Communitgar a bucca ed en scrit cun persunas petentas, cun patrunas e patruns sco er cun uffizis federals, chantunals e communals
- Per part servir e cussegliar la clientella sco er las visitadras ed ils visitaders a la recepziun
Quai che nus giavischain da Vus
- Ina scolaziun da basa commerziala u ina scolaziun equivalenta terminada
- Flexibilitad da lavurar en il temp da lavur per onn, resp. prontezza a l'acziun tut tenor il basegn dal patrun
- Demananza curtaschaivla e prontezza da s'integrar en in team existent avert
- Abilitad da supportar squitsch e flexibilitad en situaziuns cun blera lavur
- Liquidaziun svelta ed exacta da las lavurs sco er enconuschientschas dals programs da computer usitads
- Bunas enconuschientschas da pliras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.