Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala dal Grischun (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva. Cun l'intent d'impedir ulteriurs acts criminals lavuran differents geners da professiuns en moda interdisciplinara cun persunas che han commess malfatgs.
Per rinforzar noss servetsch giuridic tschertgain nus tenor cunvegna ina persuna spezialisada per dumondas giuridicas.
Voss champ d'incumbensas
- Sustegnair giuridicamain ils stabiliments giudizials ed ils secturs spezials per ademplir lur incumbensas
- Sclerir e giuditgar en moda independenta dumondas giuridicas sco er cussegliar ils secturs spezials
- Elavurar ed examinar disposiziuns
- Examinar e sustegnair l'elavuraziun e la reelavuraziun da directivas internas, d'urdens disciplinars, d'urdens da chasa sco er da contracts
- Exequir proceduras da recurs
- Collavurar a projects (p.ex. revisiuns da leschas e d'ordinaziuns, consultaziuns e sbozs da disposiziuns dal departament e da conclus da la Regenza)
Quai che nus giavischain da Vus
- Studi da giurisprudenza terminà (licenziat u MLaw)
- Da preferenza experientscha professiunala en la giustia u en l'administraziun publica
- Moda da lavurar independenta, structurada ed exacta sco er plaschair d'elavurar dumondas giuridicas multifaras
- Fitg buna expressiun en scrit ed a bucca per tudestg, ulteriuras enconuschientschas da las linguas chantunalas ed estras èn d'avantatg
- Plaschair da lavurar en in team sco er da collavurar sin plaun interdisciplinar
Nus ans legrain da Vossa annunzia online e da far Vossa enconuschientscha.