Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi chantunal dal servetsch social presta per incumbensa da las vischnancas l'agid social persunal e l'agid persunal per persunas dependentas. Plinavant sustegna el persunas d'acceder a l'agid social economic. Per quest intent maina el otg servetschs socials regiunals en las regiuns dal chantun. Il Servetsch social regiunal Partenz / Signuradi / Tschintg Vitgs è responsabel per 18 vischnancas cun 43 000 abitantas ed abitants.
Cussegliaziun sociala, agid per persunas dependentas e sustegn finanzial (gr.ch)
Per il 1. da schaner 2027 u tenor cunvegna tschertgain nus ina lavurera sociala u in lavurer social per noss biro regiunal a Landquart.
Voss champ d'incumbensas
- Cussegliar en fatgs socials persunas singulas e famiglias che sa chattan en situaziuns da vita difficilas en dumondas polivalentas, e quai en moda orientada a soluziuns ed a resursas
- Cussegliar persunas cun problems da dependenza e lur confamigliars
- Cussegliar e sustegnair finanzialmain persunas cun il status da protecziun S da l'Ucraina en alloschis individuals
- Procurar per l'access a las prestaziuns da las assicuranzas socialas sco er a l'agid social economic
- Collavurar cun las autoritads socialas ed ils posts spezialisads
- Liquidar ulteriuras activitads multifaras, interessantas e da gronda responsabladad
Quai che nus giavischain da Vus
- Scolaziun terminada sco lavurera sociala u lavurer social BSc/SAS ubain diplom d'ina scolaziun cumparegliabla
- Plaschair da lavurar cun persunas da differenta derivanza sociala e/u culturala
- Gronda cumpetenza da cussegliaziun sco er savida spezialisada fundada en la cussegliaziun per dumondas da dependenza, en il dretg da l'agid social ed en il sectur da las assicuranzas socialas
- Plaschair da contacts, abilitad da supportar squitsch e da lavurar en in team, bunas abilitads communicativas, organisatoricas ed administrativas
- En il cas ideal bunas enconuschientschas da linguas estras
- Moda da lavurar independenta ed orientada a soluziuns
Nus ans legrain da Vossa annunzia online e da far Vossa enconuschientscha.