Spezialista u spezialist ICT Plaz da lavur digital e collavuraziun

Uffizi d'informatica | 60–100 % | Cuira

S'annunziar online
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.

Es ti pronta u pront da gidar a sviluppar la transfurmaziun digitala? Sco center da servetschs e da cumpetenzas per IT da l'administraziun chantunala dal Grischun sustegnain nus nossa clientella interna cun ina infrastructura da basa segira e cun applicaziuns progressivas. Ensemen cun tai faschain nus avanzar la transfurmaziun digitala dal chantun Grischun.

Nus sco Uffizi d'informatica tschertgain perquai per immediat u tenor cunvegna ina spezialista u in spezialist ICT Plaz da lavur digital e collavuraziun.

Tes champ d'incumbensas

  • Ti procuras per il funcziunament e l'ulteriur svilup dals tools da collavuraziun e d'automatisaziun sin basa da la plattafurma M365
  • Ti planiseschas e prioriseschas projects ensemen cun las gruppas d'interess ed accumpognas quellas durant l'entir ciclus da vita da la soluziun
  • Ti sustegnas nossa clientella da digitalisar e d'automatisar process da collavuraziun e da gestiun
  • Ti collavuras en il support dal segund e dal terz nivel
  • Ti elavuras e tgiras documentaziuns e prescripziuns tecnicas

Quai giavischain nus da tai

  • Scolaziun u furmaziun supplementara en informatica u en in champ cumparegliabel
  • Experientscha cun Microsoft 365 (Teams, SharePoint Online, Power Platform, Admin Center) 
  • Experientscha da manar e da sviluppar vinavant soluziuns da collavuraziun e da plazs da lavur
  • In pensar cumplessiv ed analitic sco er ina moda da lavurar structurada ed orientada al team 
  • Bunas enconuschientschas a bucca ed en scrit dal tudestg

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi d'informatica
Rosenweg 4
7001 Cuira

Has ti dumondas? T'annunzia tar Philipp Birri, manader Svilup d'applicaziuns e Plaz da lavur digital, sut 081 257 31 63, u tar Seraina Candinas, responsabla per il persunal, sut 081 257 31 78.

Termin d'annunzia: 15 d'october 2026


Nus ans legrain da tia annunzia online e da ta render enconuschenta.

Nus acceptain mo annunzias directas – dumondas da biros per l'intermediaziun da plazzas na resguardain nus betg.

S'annunziar online