Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi d'energia e da traffic è il center da cumpetenza chantunal per dumondas en ils secturs da l'energia e dal traffic public. En il sectur dal traffic public essan nus cumpetents per la planisaziun strategica e per la coordinaziun vicendaivla da tut il traffic public en il chantun Grischun. Nus coordinain il traffic public da la viafier e dals bus ed essan cumpetents per la planisaziun, per la projectaziun e per la realisaziun da projects a favur d'in traffic public prospectiv. Bunas colliaziuns cun la rait da viafier naziunala ed internaziunala sco er colliaziuns regularas e frequentas en il traffic regiunal e d'aglomeraziun èn d'impurtanza centrala per mantegnair e per sviluppar vinavant il Grischun sco spazi da viver, sco spazi turistic e sco spazi economic.
Per l'Uffizi d'energia e da traffic tschertgain nus per il 1. da december 2026 u tenor cunvegna in'economa u in econom Procedura d'empustaziun Traffic public.
Voss champ d'incumbensas
- Realisar la procedura d'empustaziun per il traffic regiunal da persunas (TRP) per singulas interpresas dal traffic public (via e viafier)
- Elavurar dumondas pretensiusas da l'economia da manaschi e dal dretg da finanzas concernent il traffic public
- Elavurar cunvegnas da prestaziun cun las interpresas da transport, accumpagnar e survegliar la realisaziun da talas
- Elavurar dumondas strategicas e concepziunalas cumplexas concernent il traffic public en il chantun Grischun
- Surpigliar la responsabladad per far cunvegnas da finamiras cun interpresas da transport
- Represchentar il chantun Grischun en gruppas da lavur chantunalas e naziunalas concernent il traffic public
Quai che nus giavischain da Vus
- Entusiassem per in traffic public ferm ed economic en il chantun Grischun
- Diplom d'ina scola auta u d'ina scola auta spezialisada en direcziun economia da manaschi u economia publica
- Fitg grond interess per dumondas strategicas
- Experientscha en connex cun l'elavuraziun independenta da dumondas concepziunalas
- Enconuschientschas dal traffic public u d'ina branscha cun ina cumplexitad cumparegliabla (p.ex. economia d'energia u sanadad) èn d'avantatg
- Moda da lavurar structurada e fidada cun gronda atgna responsabladad sco er cun ina gronda conscienza per la qualitad
- Plaschair da collavurar en moda interdisciplinara, forza da persvader, dun da contractar e versadadad d'ir enturn cun differentas gruppas en mira
- Fitg bunas enconuschientschas dal tudestg a bucca ed en scrit
- Bunas enconuschientschas da pliras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.