La Grischelectra SA (GEAG) è ina societad da forza electrica giuridicamain autonoma. Il chantun Grischun, las vischnancas grischunas, las societads d'ovras electricas grischunas, l'industria grischuna cun in aut agen consum d'energia sco er la Viafier retica èn participadas cun totalmain 70 pertschient al chapital d'aczias da la GEAG. La Repower SA e la Axpo Solutions SA èn participadas cun ils ulteriurs 30 pertschient a la GEAG. La fundaziun da la GEAG l'onn 1978 aveva tranter auter l'intent d'utilisar l'energia furnida da las vischnancas grischunas e dal chantun Grischun.
La Regenza dal chantun Grischun ha il dretg da suttametter al cussegl d'administraziun – per mauns da la radunanza generala – propostas electoralas per trais persunas che vegnan a sa participar al cussegl d'administraziun da la societad (represchentanzas chantunalas). In da quests mandats sto vegnir occupà da nov a chaschun da la proxima radunanza generala.
En il rom dal process da nominaziun tschertga il chantun Grischun ina persunalitad cumpetenta e prospectiva che