Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi d'energia e da traffic è il center da cumpetenza chantunal per dumondas en ils secturs da l'energia e dal traffic public. En il sectur da l'energia essan nus cumpetents per surdar concessiuns e per approvar projects concernent l'utilisaziun da la forza idraulica. Nus essan responsabels per exequir la legislaziun d'energia, manain il post da certificaziun da Minergie e sustegnain ils programs per promover l'energia. En il sectur dal traffic public essan nus cumpetents per l'elavuraziun dals uraris e per l'empustaziun dal traffic public en il chantun Grischun.
Per l'Uffizi d'energia e da traffic tschertgain nus per il 1. da favrer 2027 u tenor cunvegna ina referendaria u in referendari Finanzas.
Voss champ d'incumbensas
- Liquidar lavurs specificas en il sectur da finanzas da l'Uffizi d'energia e da traffic
- Gidar ad elavurar il preventiv e la clusiun dal quint
- Preparar disposiziuns per surdadas d'incaricas
- Preparar obligaziuns da contribuziun en il sectur dal traffic public
- Actualisar e controllar las obligaziuns da contribuziun pendentas en ils secturs da l'effizienza energetica e dal traffic public
- Collavurar en il sectur dal sistem da controlla intern da l'Uffizi d'energia e da traffic
Quai che nus giavischain da Vus
- Scolaziun commerziala cun furmaziun supplementara en il sectur da finanzas
- Plirs onns experientscha professiunala en il sectur da finanzas èn d'avantatg
- Fitg bunas enconuschientschas dal tudestg a bucca ed en scrit
- Bunas enconuschientschas da pliras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.