Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi d'agricultura e da geoinfurmaziun è in post da servetsch dal Departament d'economia publica e fatgs socials. El cumpiglia las quatter partiziuns Mesiras agriculas, Meglieraziuns da structura, Mesiraziun e Center da cumpetenza SIG.
La partiziun Mesiras agriculas è cumpetenta per realisar la politica agrara da la Confederaziun en il chantun Grischun. Sco part d'in giuven team surpigliais Vus la responsabladad per incumbensas pretensiusas che cumpiglian l'agricultura, la planisaziun dal territori e la protecziun da las auas. Vus giuditgais – ord vista da l'agricultura – projects da construcziun ordaifer la zona da construcziun, e sin ils manaschis agriculs realisais Vus ils aspects ch'èn relevants per la protecziun da las auas.
Nus As purschain ina incumbensa variada e da gronda responsabladad tar l'administraziun chantunala. Vus lavurais en in team cumpetent e motivà, che tgira ina cultura d'interpresa orientada als servetschs ed a las finamiras e cun curtas vias da decisiun.
Per il ressort EOZ / Protecziun da las auas tschertgain nus per il 1. da favrer 2027 u tenor cunvegna ina manadra u in manader da project EOZ e protecziun da las auas.
Voss champ d'incumbensas
- Giuditgar – ord vista da l'agricultura – dumondas per edifizis e stabiliments ordaifer la zona da construcziun
- Manar il project Controlla dals stabiliments da ladim natiral
- Elavurar e realisar en moda independenta las mesiras per il mantegniment funcziunal ed architectonic da la protecziun da las auas en l'agricultura
- Collavurar tar l'execuziun da pajaments directs e tar la concessiun da permissiuns per contracts da fittanza
- Cooperar tar dumondas davart il dretg funsil puril en collavuraziun cun auters uffizis
Quai che nus giavischain da Vus
- Ina scolaziun da basa agricula cun ina furmaziun supplementara specifica (attestat professiunal, agrotecnicista u agrotecnicist SSS, diplom SAS)
- Bunas enconuschientschas da la pratica agricula sco er interess per dumondas da la politica agrara, da la planisaziun dal territori e da l'ambient
- Emprimas experientschas en il management da projects u la prontezza da sa sviluppar vinavant en quest sectur
- Moda da lavurar independenta, structurada ed orientada a las soluziuns sco er atgna iniziativa ed in dun organisatoric
- Abilitad da lavurar en in team e da communitgar sco er forza da persvader
- In bun dun da contractar, fidadadad ed ina gronda prontezza a la prestaziun
- Bunas enconuschientschas da pliras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.