Ensemen per il Grischun
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l'avegnir da l'administraziun chantunala dal Grischun.
L'Uffizi da guaud e privels da la natira (UGP) è il post spezialisà dal chantun per il guaud e per la protecziun cunter privels da la natira. Las collavuraturas ed ils collavuraturs dal UGP s'engaschan per ils basegns da la societad envers il guaud e garanteschan, ch'il guaud vegnia tractà en moda persistenta.
Ti procuras ch'il guaud grischun
- possia proteger ils umans, ils animals e l'infrastructura,
- saja il spazi da viver da bleras differentas spezias d'animals e da plantas,
- saja il furnitur da materia prima, sco lain, aua ed energia,
- possia esser vinavant in spazi da recreaziun e da temp liber per ils umans.
Nus tschertgain per il 1. da schaner 2027 u tenor cunvegna ina inschignera forestala regiunala u in inschigner forestal regiunal e spezialista u spezialist guaud-selvaschina (70–100 %).
Sin quai pos ti ta legrar
- Ina incumbensa che fa senn e che ha in connex direct cun il guaud sco er cun il management da ristgas integral en cas da privels da la natira, sco er cun la natira e cun la societad
- Lavurar en moda independenta en in team engaschà e colleghial
- Libertad creativa e pussaivladads da svilup
- Cundiziuns da lavur modernas
Tes champ d'incumbensas
- Sco inschignera forestala regiunala u inschigner forestal regiunal t'occupas ti da las vischnancas da Val Müstair, Zernez e Samignun: exequir la legislaziun forestala federala e chantunala; garantir che las funcziuns dal guaud vegnian ademplidas optimalmain
- Sco spezialista u spezialist guaud-selvaschina mainas ti projects respectivs en la regiun Grischun dal Sid: elavuraziun da rapports guaud-selvaschina; evaluaziun professiunala da retschertgas; funcziun sco commembra u commember da la gruppa chantunala da spezialistas e spezialists guaud-selvaschina
Quai che nus giavischain da tai
- Diplom sco inschignera forestala u inschigner forestal SPF u SAS u master en scienzas da l'ambient e da l'ecologia SPF cun spezialisaziun en management dal guaud e da la cuntrada
- Enconuschientschas fundadas da la selvicultura
- Experientscha cun bunas enconuschientschas en il sectur guaud-selvaschina èn d'avantatg
- Bunas enconuschientschas da pliras linguas chantunalas èn d'avantatg
Nus ans legrain da tia annunzia online e d'emprender d'enconuscher tai.