L'Uffizi da migraziun e da dretg civil ha actualmain passa 230 collavuraturas e collavuraturs en pli che 20 lieus ed è cumpetent per tut las incumbensas dal sectur da migraziun, q.v.d. en spezial per la concessiun e la retratga da permissiuns, per la collocaziun e l'assistenza, per l'execuziun d'expulsiuns sco er per l'integraziun. Plinavant vegnan emess documents d'identitad per burgaisas e burgais svizzers, realisadas natiralisaziuns ed exequida la surveglianza da las autoritads da stadi civil. La sedia principala da l'Uffizi da migraziun e da dretg civil è a Cuira.
Per immediat u tenor cunvegna tschertgain nus ina praticanta u in praticant per sustegnair noss dus ressorts Entrada e Dimora. La plazza è limitada a 12 mais (acziuns pli curtas tenor cunvegna èn pussaivlas).
Sco praticanta u praticant avais Vus la pussaivladad da survegnir invistas praticas e pli profundas dals fatgs da permissiun dal dretg da persunas estras. Vus sustegnais ils ressorts en connex cun incumbensas administrativas ed organisatoricas ed emprendais d'enconuscher ils differents andaments da la dumonda fin a la permissiun u eventualas mesiras dal dretg da persunas estras.
Il praticum As dat l'occasiun da rimnar experientschas professiunalas preziusas en in ambient administrativ multifar e pretensius e da survegnir ina invista cumplessiva da l'activitad dals ressorts Entrada e Dimora.