Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da migraziun e da dretg civil (UMDC) è in post da servetsch dal Departament da giustia, segirezza e sanadad (DGSS) ed è cumpetent per exequir la legislaziun davart las persunas estras ed ils fatgs d'asil sin plaun chantunal. Il UMDC ha actualmain var 230 collavuraturas e collavuraturs en passa 20 lieus en il chantun Grischun.
Per il 1. da schaner 2027 u tenor cunvegna tschertgain nus ina manadra u in manader da project Informatica e svilup organisatoric che surpiglia la responsabladad per la gestiun strategica, concepziunala ed operativa da la transfurmaziun digitala dal post da servetsch.
Voss champ d'incumbensas
- En collavuraziun cun la direcziun sco er cun spezialistas e spezialists interns ed externs surpigliais Vus la responsabladad per l'ulteriur svilup strategic ed operativ dals servetschs digitals, da las applicaziuns spezialisadas e dals process da fatschenta dal post da servetsch.
- Vus elavurais la strategia da digitalisaziun da l'uffizi cun focus sin la transfurmaziun digitala, l'ulteriur svilup dal barat da datas electronicas cun sistems circumdants sco er il svilup persistent dal manaschi e da l'organisaziun.
- Vus tgirais e manais tscherts projects d'informatica e d'organisaziun, e quai dal studi preliminar sur la planisaziun fin a la realisaziun. En quest connex analisais e visualisais Vus fatgs, elavurais concepts e basas da decisiun, sviluppais pachets da lavur e faschais planisaziuns da projects. Vus garantis che las finamiras dal project vegnian cuntanschidas observond las prescripziuns dals custs, dals termins e da la qualitad.
- Vus analisais ed optimais ils process da fatschenta cun il focus sin l'analisa dals process e sin il design dals process. En quest connex sustegnais Vus ils secturs spezials en connex cun la nova concepziun e la digitalisaziun da process sco er l'introducziun da novs sistems e midadas organisatoricas.
- Tar Voss champ da responsabladad tutgan la coordinaziun operativa dals secturs ch'èn pertutgads da la digitalisaziun, inclusiv la collavuraziun tar la planisaziun e la surveglianza dal preventiv, las acquisiziuns sco er il management da las prestaziuns e dals contracts. Vus garantis che las activitads da digitalisaziun vegnian ademplidas tenor ils basegns, en moda economica ed en concordanza cun las finamiras strategicas da l'uffizi.
- Vus essas ina persuna da contact centrala per dumondas dad ICT e da digitalisaziun entaifer l'uffizi e coordinais la collavuraziun cun furniturs da prestaziuns interns ed externs. Per quest intent tgirais Vus in barat regular cun las gruppas en mira, vesais a temp il basegn d'agir ed accumpagnais la realisaziun da mesiras adattadas.
- Vus agis sco intermediatura u intermediatur tranter noss utilisaders, il management e spezialists dad IT. Ina communicaziun confurma als basegns dals adressats e cunvegnenta cun las gruppas en mira, las organisaziuns partenarias ed ils incumbensaders cumpletteschan Voss champ d'incumbensas multifar.
Quai che nus giavischain da Vus
- Ina scolaziun u ina furmaziun supplementara en informatica, informatica economica u in ambient cumparegliabel (p.ex. sviluppadra u sviluppader da business digital AFQ)
- Experientscha da manar projects dad ICT e da digitalisaziun, eventualas furmaziuns supplementaras, p.ex. CAS / MAS en management da projects HERMES, IPMA u PMI èn d'avantatg Enconuschientschas approfundadas d'applicaziuns d'intelligenza artifiziala
- In bun dun receptiv, chapientscha per process e per connexs, fermezzas organisatoricas ed ina moda da lavurar structurada
- Abilitads da schliar problems ed in pensar cumplessiv analitic
- Flexibilitad, abilitad da lavurar en in team sco er in aut grad da lavurar en moda autonoma, d'atgna iniziativa e da conscienza per la qualitad
- Bunas enconuschientschas a bucca ed en scrit dal tudestg
- Bunas enconuschientschas da pliras linguas chantunalas èn d'avantatg.
Nus ans legrain da Vossa annunzia online e da far Vossa enconuschientscha.