Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da sanadad è in post da servetsch central e multifar dal Departament da giustia, segirezza e sanadad dal chantun Grischun. El exequescha ils relaschs dal dretg federal e chantunal e presta uschia ina contribuziun essenziala ad in provediment da la sanadad d'auta qualitad, segir ed orientà a l'avegnir en il chantun. L'uffizi è dividì en ils suandants secturs spezials: Promoziun da la sanadad e prevenziun, Servetsch da media chantunala, Admissiun e qualitad, Salvament, Servetsch giuridic sco er Stab.
Per il Stab da l'Uffizi da sanadad tschertgain nus per il schaner 2027 u tenor cunvegna ina controlladra u in controllader da finanzas cun enconuschientschas specificas en l'analisa da datas.
Voss champ d'incumbensas
- Far controllas al lieu (incl. rapport) tar las instituziuns da la sanadad publica che han il dretg da survegnir contribuziuns en ils secturs da la statistica d'ospital, da la calculaziun dals custs e da la contabilitad generala sco er examinaziuns specificas tenor las prescripziuns legalas (instrucziun e perscrutaziun, servetsch da transport en cas d'urgenza e d'ambulanza, scolaziun e furmaziun supplementara dal persunal da tgira) per fixar las contribuziuns
- Realisar en moda independenta analisas da datas per elavurar statisticas sco er sviluppar vinavant quest sectur
- Calcular e metter a disposiziun contribuziuns als furniturs da prestaziuns per la scolaziun pratica en las professiuns da tgira
- Elavurar cunvegnas da prestaziun cun las instituziuns che han il dretg da survegnir contribuziuns sco er preparar propostas da la Regenza
- Exequir en moda independenta lavurs da surveglianza da las finanzas en il rom da las prescripziuns vertentas
Quai che nus giavischain da Vus
- Scolaziun economica superiura resp. diplom professiunal correspundent u scolaziun commerziala fundada cun furmaziun supplementara en finanzas e contabilitad
- Bun dun receptiv, pensar analitic ed ina gronda affinitad per cifras
- Moda da lavurar independenta ed exacta
- Atgna iniziativa, prontadad da s'engaschar, forza da persvader e buna abilitad da communitgar
- Applicaziun segira dals programs da Microsoft Office e dals tools d'intelligenza artifiziala; experientscha cun applicaziuns d'analisas da datas è d'avantatg
- Fitg buna expressiun en scrit ed a bucca en tudestg; bunas enconuschientschas da pliras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.