Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da sanadad è in post da servetsch central e multifar dal Departament da giustia, segirezza e sanadad dal chantun Grischun. El exequescha ils relaschs dal dretg federal e chantunal e presta uschia ina contribuziun essenziala ad in provediment da la sanadad d'auta qualitad, segir ed orientà a l'avegnir en il chantun. L'uffizi è dividì en ils secturs spezials: Servetschs medicinals, Admissiun e qualitad, Promoziun da la sanadad e prevenziun sco er Salvament grischun.
Il servetsch giuridic surpiglia ina rolla centrala en la surveglianza da persunas e da manaschis dal sectur da sanadad. El cusseglia e sustegna il post da servetsch e sias partiziuns spezialas en tut las dumondas giuridicas, dat infurmaziuns giuridicas en connex cun il dretg da sanadad ed accumpogna en moda giuridica projects da l'Uffizi da sanadad. Ultra da quai cooperescha el a projects legislativs ed a revisiuns d'ordinaziuns ed è responsabel per elavurar disposiziuns e contracts da dretg administrativ. Vus pudais far quint cun in champ d'activitad varià al punct da contact tranter dretg e sanadad.
Per rinforzar noss servetsch giuridic tschertgain nus per immediat u tenor cunvegna ina giurista versada u in giurist versà cun enconuschientschas fundadas dal sistem giuridic svizzer.
Voss champ d'incumbensas
- Accumpagnar giuridicamain projects da l'Uffizi da sanadad
- Collavurar en connex cun revisiuns da leschas e d'ordinaziuns sco er en connex cun l'elavuraziun da missivas, consultaziuns e conclus da la Regenza
- Sclerir e giuditgar en moda independenta dumondas giuridicas sco er cussegliar ils secturs spezials
- Elavurar disposiziuns e contracts da dretg administrativ
- Exequir en moda independenta proceduras administrativas e disciplinaras pertutgant il dretg da surveglianza, proceduras concernent la dispensaziun dal secret professiunal sco er proceduras penalas da surpassaments
- Collavurar e sa barattar sin plaun interdisciplinar
Quai che nus giavischain da Vus
- Studi da giurisprudenza terminà (licenziat u MLaw)
- Experientscha professiunala da plirs onns en l'administraziun publica, tar ina dretgira u en in'advocatura en Svizra
- Moda da lavurar independenta, structurada e conscienziusa sco er plaschair da dumondas giuridicas pretensiusas
- In bun dun da s'exprimer sco er in stil segir en tudestg a bucca ed en scrit
- Interess per andaments politics e dumondas da la politica da sanadad
- Abilitad da lavurar en in team, flexibilitad e plaschair da collavurar en moda interdisciplinara
- Bunas enconuschientschas da pliras linguas chantunalas èn d'avantatg.
Nus ans legrain da Vossa annunzia online e da far Vossa enconuschientscha.