Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Controlla da finanzas è l'organ spezialisà suprem da la surveglianza da las finanzas. Ella sustegna il Cussegl grond, la Regenza e las dretgiras en la surveglianza da las finanzas da l'administraziun e da l'administraziun giudiziala. En quest video chattas ti ina survista da las incumbensas da la Controlla da finanzas.
Per noss team tschertgain nus ina persunalitad iniziativa ed independenta che mantegna la survista e che surpiglia cun sia lavur ina funcziun centrala impurtanta entaifer la Controlla da finanzas.
Tes champ d'incumbensas
- Scriver e rediger rapports, liquidar ed elavurar la correspundenza e preschentaziuns
- Sustegnair la direcziun da l'uffizi e da la partiziun sco er las revisuras ed ils revisurs
- Ademplir lavurs da secretariat generalas ed administrar il deposit central da documents
- Organisar occurrenzas da team
- Liquidar incumbensas periodicas tenor plan da termins
- Sustegnair projects interns
Quai giavischain nus da tai
- Scolaziun da commerzianta u commerziant AFQ terminada u scolaziun equivalenta cun experientschas professiunalas en in secretariat
- Expressiun segira en tudestg a bucca ed en scrit (lingua materna), enconuschientschas d'autras linguas chantunalas èn d'avantatg
- Fitg bunas enconuschientschas en l'applicaziun dal computer, en spezial da Microsoft Office
- Moda da lavurar structurada, prospectiva, independenta e precisa
- Persunalitad orientada als servetschs ed a las soluziuns, cun abilitad da lavurar en in team, prontezza a l'acziun ed atgna iniziativa
Nus ans legrain da tia annunzia online e d'emprender d'enconuscher tai.