Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la furmaziun professiunala (UCFP) è in post da servetsch dal Departament d'educaziun, cultura e protecziun da l'ambient (DECA) e realisescha las incumbensas da la politica da furmaziun da la Confederaziun e dal chantun concernent la furmaziun professiunala da basa. Plinavant è l'uffizi il post da cumpetenza en dumondas da la tscherna da professiun, da scola e da studi sco er l'instanza che accumpogna durant l'entira carriera professiunala.
La partiziun Cussegliaziun da professiun, da studi e da carriera (CPSC) cusseglia ed infurmescha persunalmain, independentamain e gratuitamain giuvenils e persunas creschidas en dumondas concernent la professiun, il studi e la carriera. La CPSC sustegna en la tscherna da professiun, da studi u en la concepziun da la carriera ed accumpogna en la planisaziun da l'avegnir professiunal.
Per l'Uffizi per la furmaziun professiunala tschertgain nus per il 1. da schaner 2027 u tenor cunvegna ina cussegliadra u in cussegliader da professiun, da studi e da carriera (70–80 %).
Voss champ d'incumbensas
- Cussegliar ed infurmar giuvenils e persunas creschidas en connex cun la tscherna da professiun, da scola e da studi sco er cun la concepziun da la carriera professiunala
- Gidar la clientella a trair a niz sias atgnas resursas, ad agir en atgna responsabladad ed a decider en moda independenta
- Tgirar la collavuraziun cun las persunas d'instrucziun dals stgalims secundars I e II, sco scolas dal stgalim superiur e scolas professiunalas spezialisadas, per la preparaziun da la tscherna da professiun e per la concepziun da la carriera
- Realisar occurrenzas d'infurmaziun per geniturs e classas
- Tgirar contacts regulars cun scolas, instituziuns da furmaziun, posts spezialisads e l'economia
- Collavurar en projects ed en gruppas da lavur internas
Quai che nus giavischain da Vus
- Ina scolaziun renconuschida sin plaun federal sco cussegliadra u cussegliader da professiun, da studi e da carriera u la prontezza d'absolver la scolaziun
- Cumpetenzas da cussegliaziun e d'infurmaziun sco er enconuschientschas spezialisadas en psicologia, teorias da tscherna da professiun, da tscherna da studi e da carriera
- Demananza cumpetenta e persvadenta davant giuvenils e persunas creschidas, geniturs e persunas d'instrucziun
- Da preferenza enconuschientscha da las structuras economicas regiunalas sco er dal martgà da lavur
- Persunalitad engaschada, orientada a soluziuns ed abla da supportar squitsch cun fitg bunas abilitads communicativas
- Buna expressiun a bucca ed en scrit per tudestg
- Bunas enconuschientschas da pliras linguas chantunalas èn d'avantatg
- Flexibilitad ed in bun senn d'organisaziun, plinavant gronda atgna responsabladad
Nus ans legrain da Vossa annunzia online e da far Vossa enconuschientscha.