Referendaria tecnica u referendari tecnic da datas (da SIG) forestalas

Uffizi da guaud e privels da la natira | 70–100 % | Cuira

S'annunziar online
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.

L'Uffizi da guaud e privels da la natira (UGP) è il post spezialisà dal chantun per il guaud e per la protecziun cunter privels da la natira. Las collavuraturas ed ils collavuraturs dal UGP s'engaschan per ils basegns da la societad envers il guaud e garanteschan, ch'il guaud vegnia tractà en moda persistenta.

  • Ti procuras ch'il guaud grischun
  • possia proteger ils umans, ils animals e l'infrastructura,
  • saja il spazi da viver da bleras differentas spezias d'animals e da plantas,
  • saja il furnitur da materia prima, sco lain, aua ed energia,
  • possia esser vinavant in spazi da recreaziun e da temp liber per ils umans

Per immediat u tenor cunvegna tschertgain nus ina referendaria tecnica u in referendari tecnic da datas (da SIG) forestalas (70–100 %).

Sin quai pos ti ta legrar:

  • Ina incumbensa signifitganta che ha in connex direct cun il guaud 
  • Lavurar en moda independenta en in team engaschà e colleghial
  • Libertad creativa e pussaivladads da svilup
  • Cundiziuns da lavur modernas

Tes champ d'incumbensas

  • Sco responsabla u responsabel per il SIG es ti cumpetenta u cumpetent per actualisar, armonisar e sviluppar vinavant nossas geodatas per il sectur «Stadi e svilup dal guaud». 
  • En collavuraziun cun persunas spezialisadas calculeschas ti ils indicaturs forestals ed organiseschas lur archivaziun sco er lur accessibladad.
  • Ti automatiseschas calculaziuns e modellaziuns periodicas.
  • Confurm a tias qualificaziuns sustegnas ti il sectur ad analisar, interpretar ed utilisar datas digitalas ed indicaturs digitals. Ti coopereschas en projects da SIG interdisciplinars.


Quai spetgain nus da tai

  • Diplom d'ina scola auta u d'ina scola auta spezialisada en geoinformatica, informatica, data science, geografia, scienza dal guaud u ina direcziun parentada Bainvegnidas èn er persunas che han experientschas professiunalas correspundentas e che han fatg furmaziuns supplementaras en il sectur dal SIG e da la IT sco er persunas che han gist terminà il studi
  • Gronda prontezza d'emprender sco er plaschair d'analisar metodicamain problems cumplexs, da sviluppar soluziuns pragmaticas e da realisar svelt novas chaussas en la pratica
  • Enconuschientschas dad ArcGIS Pro, R e Python èn d'avantatg 
  • Atgna iniziativa, fidadadad ed ina moda da lavurar che s'orientescha a soluziuns
  • Bunas enconuschientschas da pliras linguas chantunalas èn d'avantatg.

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi da guaud e privels da la natira
Ringstrasse 10
7001 Cuira

Per dumondas stat Viola Sala, manadra dal sectur Stadi e svilup dal guaud, telefon 081 257 38 62, viola.sala@awn.gr.ch, gugent a tia disposiziun.

Termin d'annunzia: 11 d'october 2026


Nus ans legrain da tia annunzia online e d'emprender d'enconuscher tai.
S'annunziar online