Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Administraziun chantunala da taglia è cumpetenta per incassar las taglias directas en il chantun Grischun, uschenavant che la legislaziun na prevesa betg ina cumpetenza da la Confederaziun u da las vischnancas. Il Cumissariat fixescha las taglias sin las entradas e sin la facultad da persunas natiralas (taglia federala directa e taglia chantunala).
Per il 1. da december 2026 u tenor cunvegna tschertgain nus ina praticanta u in praticant per la partiziun Cumissariat. Il praticum dura almain 6 mais e po vegnir absolvì fin ad 1 onn. I dat la pussaivladad da prolungar il praticum u d'ina cuntinuaziun successiva da l'engaschament.
Voss champ d'incumbensas
- Sustegnair las lavurs preliminaras e l'elavuraziun posteriura en connex cun la taxaziun da persunas natiralas
- Sustegnair en connex cun lavurs da rectificaziun
- Examinar ed eruir ils facturs fiscals da las taglias sin las entradas e sin la facultad da persunas natiralas (cun activitad da gudogn dependenta) a maun da las decleraziuns da taglia
Quai che nus giavischain da Vus
- En ina scolaziun academica u professiunala currenta (bachelor / master, universitad / scola auta spezialisada u maturitad professiunala)
- In bun dun receptiv sco er ina moda da lavurar fidada, conscienziusa ed organisada
- Plaschair da lavurar independentamain
- Interess per ils fatgs fiscals e prontezza da sa perfecziunar specificamain
- Bunas enconuschientschas da l'informatica
- Expressiun segira a bucca ed en scrit per tudestg
- Bunas enconuschientschas da pliras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.