Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Inspecturat dal register funsil e register da commerzi è l'autoritad chantunala da permissiun per l'acquist da bains immobigliars tras persunas a l'exteriur sco er dal dretg funsil puril, surveglia ils uffizis chantunals dal register funsil e maina il register da commerzi.
Per rinforzar noss team tschertgain nus per il 1. da schaner 2027 u tenor cunvegna ina persuna spezialisada Dretg funsil.
Voss champ d'incumbensas
- Vus elavurais en moda independenta dumondas en connex cun l'acquist da bains immobigliars tras persunas a l'exteriur sco er cun il dretg funsil puril e sustegnais il manader da la partiziun.
- Ultra da permissiuns dais Vus infurmaziuns per telefon ed en scrit davart l'execuziun da questas duas leschas federalas en il sectur da la transacziun immobigliara.
Quai che nus giavischain da Vus
- Vus avais interess per connexs giuridics ed appreziais il contact cun la clientella e las autoritads.
- Vus avais terminà ina scolaziun giuridica, economica u ina scolaziun equivalenta. En il cas ideal avais Vus experientscha professiunala tar in register funsil, en in notariat u en in auter sectur giuridic.
- Enconuschientschas da las relaziuns en l'economia publica ed en l'agricultura dal Grischun èn d'avantatg.
- Vossas ulteriuras fermezzas èn la communicaziun cun la clientella, ina moda versada da contractar sco er in'expressiun segira a bucca ed en scrit per tudestg.
- Bunas enconuschientschas da pliras linguas chantunalas èn d'avantatg.
- Premessas vegnan enconuschientschas da l'applicaziun dal computer, ina moda da lavurar exacta e conscienziusa, la prontezza da s'engaschar, ina demananza curtaschaivla, flexibilitad, l'abilitad da lavurar en in team e fidadadad.
Nus ans legrain da Vossa annunzia online e da far Vossa enconuschientscha.