Ensemen per il Grischun
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l'avegnir da l'administraziun chantunala dal Grischun.
Sco center da cumpetenzas da HR realisescha l'Uffizi da persunal incumbensas strategicas ed operativas per l'entira administraziun chantunala dal Grischun. Nus contribuin al fatg, ch'il chantun Grischun è in patrun attractiv e progressiv. En il sectur dal svilup da l'organisaziun accumpagnain nus l'administraziun en il rom da l'administraziun digitala dal Grischun en l'introducziun da furmas da collavuraziun modernas sco er en l'ulteriur svilup da la direcziun, la collavuraziun e la cultura da l'organisaziun.
T'entusiasmeschas per la collavuraziun, il svilup dal team e furmas da lavur modernas? Vuls ti influenzar en moda persistenta la collavuraziun entaifer l'administraziun chantunala e gidar a concepir activamain la transfurmaziun digitala? Alura es ti la dretga persuna per nus. Per rinforzar noss team tschertgain nus per immediat u tenor cunvegna ina spezialista u in spezialist Collaboraziun e svilup dal team.
Tes champ d'incumbensas
- Sviluppar strategias, standards e best practices per ina collavuraziun efficazia ed interdisciplinara
- Cussegliar ed accumpagnar unitads administrativas en dumondas dal svilup dal team e da la collavuraziun
- Sustegnair l'introducziun e l'utilisaziun persistenta da soluziuns da collavuraziun digitalas en stretga collavuraziun cun l'Uffizi d'informatica
- Concepir, realisar e moderar scolaziuns, lavuratoris, cussegliaziuns e formats da barat davart furmas da lavur collaborativas
- Observar ils svilups tecnologics e culturals sco er deducir champs d'acziun adattads per l'administraziun
- Collavurar en projects da svilup da l’organisaziun, da change e da transfurmaziun en il rom da l'administraziun digitala dal Grischun
Quai giavischain nus da tai
- Studi da scola auta terminà u ina scolaziun superiura equivalenta en economia da manaschi, psicologia, fatgs da persunal, svilup da l'organisaziun u en in sectur spezial parentà
- Experientscha d'accumpagnar projects interdisciplinars sco er d'ir enturn cun differentas gruppas en mira
- Experientscha cun l'applicaziun e l'introducziun da soluziuns da collavuraziun digitalas sco er chapientscha dals connexs tranter las modas da lavurar, l'organisaziun e la tecnologia
- Experientscha d'accumpagnar process da midada sco er enconuschientschas da dinamicas da team e da gruppas
- Moda da lavurar analitica e structurada, fitg buna abilitad da communitgar e da persvader sco er gronda empatia per differentas perspectivas
Nus ans legrain da Vossa annunzia online e da far Vossa enconuschientscha.