Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi d'agricultura e da geoinfurmaziun è in post da servetsch dal Departament d'economia publica e fatgs socials. El cumpiglia las quatter partiziuns Mesiras agriculas, Meglieraziuns da structura, Mesiraziun e Center da cumpetenza SIG.
Sco furnitur central dad IT e da geoservetschs maina e sviluppa il center da cumpetenza dal SIG l'infrastructura da geodatas da l'administraziun chantunala. En in team interdisciplinar cun otg spezialistas e spezialists realisais Vus soluziuns innovativas da Web-SIG, applicaziuns spezialisadas e geoservetschs. Cun metodas e process moderns creais Vus instruments digitals che rendan accessiblas en moda simpla ed efficazia a l'administraziun ed a la populaziun datas che concernan il territori.
Daventai ina part d'in team engaschà e prestai cun Vossa lavur ina contribuziun impurtanta per l'infrastructura da geodatas chantunala. As legrai d'ina activitad variada cun libertad creativa en in team cumpetent e motivà. Vus lavurais cun las tecnologias las pli modernas vi da soluziuns che han in niz concret per l'administraziun e la populaziun e profitais da curtas vias da decisiun sco er d'ina cultura da lavur averta ed orientada al team.
Per la partiziun Center da cumpetenza dal SIG da l'Uffizi d'agricultura e da geoinfurmaziun tschertgain nus per il 1. da schaner 2027 u tenor cunvegna ina spezialista u in spezialist d'informatica per il SIG.
Voss champ d'incumbensas
- Concepir, sviluppar ed automatisar pipelines robustas da datas per integrar e transfurmar geodatas cumplexas
- Concepir, sviluppar e sviluppar vinavant applicaziuns spezialas e soluziuns da Web-SIG sco er ils geoservetschs necessaris per quest intent
- Etablir e sviluppar vinavant workflows moderns per concepir en moda effizienta ils process da deployment e da release
- Cussegliar ils posts da servetsch chantunals en connex cun l'integraziun tecnica da geodatas ed evaluar novas tecnologias dad open source e da cloud
Quai che nus giavischain da Vus
- Diplom d'ina scola auta u d'ina scola auta spezialisada en geoinformatica, informatica, data science, geografia u ina direcziun parentada Bainvegnidas èn er persunas che han experientschas professiunalas correspundentas e che han fatg furmaziuns supplementaras en il sectur dal SIG e da la IT sco er persunas che han gist terminà il studi
- En il cas ideal experientscha cun architecturas modernas dad IT, cun bancas da datas relaziunalas e territorialas (p.ex. PostGIS) sco er Python ed SQL
- Gronda prontezza d'emprender sco er plaschair d'analisar metodicamain problems cumplexs, da sviluppar soluziuns pragmaticas e da realisar svelt novas chaussas en la pratica
- Atgna iniziativa, fidadadad ed ina moda da lavurar che s'orientescha a soluziuns
Nus ans legrain da Vossa annunzia online e da far Vossa enconuschientscha.