Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Sco post spezialisà dal sectur da construcziun dal chantun Grischun represchenta l'Uffizi da construcziun auta ils interess dal chantun sco proprietari d'immobiglias e/u sco patrun da construcziun ed è responsabel per tut las prestaziuns dal management d'immobiglias. Quai cumpiglia la structuraziun dal portfolio d'immobiglias, la planisaziun, la realisaziun e la gestiun d'immobiglias sco er cussegliaziuns.
Per il 1. da schaner 2027 u tenor cunvegna tschertgain nus ina manadra u in manader da project Management dal portfolio.
Sco manadra u manader da project Management dal portfolio As spetgan in ambient da lavur avert a Cuira, pussaivladads attractivas d'absolver furmaziuns supplementaras e la pussaivladad da cumbinar la professiun cun la famiglia ed il temp liber.
Voss champ d'incumbensas
- Planisar en moda proactiva ed a lunga vista il portfolio d'immobiglias e d'investiziuns dal vast portfolio d'immobiglias dal chantun
- Structurar il portfolio sco er optimar e regular ils portfolios parzials
- Definir ils standards da spazi e d'equipament per l'administraziun chantunala
- Examinar ils basegns annunziads dals utilisaders areguard la realisabladad e la concordanza cun las finamiras ed ils princips strategics per las immobiglias
- Evaluar ils lieus e planisar l'occupaziun da las immobiglias
- Represchentar il patrun da construcziun sco manadra u manader da project per la planisaziun e la direcziun persistenta e strategica d'edifizis novs, da renovaziuns sco er da reparaziuns
- Collavurar cun ulteriurs posts chantunals e partenaris externs per promover soluziuns d'immobiglias persistentas e per cuntanscher las meglras sinergias pussaivlas
Quai che nus giavischain da Vus
- Vus avais terminà ina scolaziun sco architecta u architect ed avais ina furmaziun supplementara u experientscha en la planisaziun strategica
- Vus avais experientscha en il management da projects e da preferenza er sco represchentanta u represchentant dal patrun da construcziun
- Vus avais l'abilitad da formular e da communitgar fatgs cumplexs en moda clera e chapaivla en tudestg
- Vus avais in pensar marcant d'interprendider sco er in grond senn da responsabladad e da qualitad
- Vus avais l'abilitad da lavurar en in team e lavurais a favur da soluziuns e da servetschs
- Vus avais plaschair ed inschign d'ir enturn cun differentas gruppas d'interess
- Vus communitgais en moda clera e lavurais en projects gugent en in team
- Vus avais ina demananza segira, amiaivla e persvadenta
- L'applicaziun segira da tools digitals è per Vus chaussa da mintgadi
- Ina vasta furmaziun generala ed en il cas ideal enconuschientschas dal talian cumpletteschan Voss profil
Nus ans legrain da Vossa annunzia online e da far Vossa enconuschientscha.