Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, la construcziun, il mantegniment e la gestiun da las vias chantunalas sco er per la correcziun dals curs d'aua e per il traffic plaun en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter auter punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, rendan nossa lavur pretensiusa e multifara. Sco uffizi certifitgà sco «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).
Per la partiziun Servetschs tschertgain nus per il 1. da december 2026 u tenor cunvegna, ina manadra u in manader da l'Acquist da terren.
Voss champ d'incumbensas
- Manar ed organisar il sectur spezial Acquist da terren cun duas collavuraturas u collavuraturs
- Represchentar l'Uffizi da construcziun bassa resp. il Departament d'infrastructura, energia e mobilitad a tractativas ed a documentaziuns publicas en connex cun l'acquist da terren per la construcziun da vias chantunalas
- Elavurar contracts per inscripziuns e rectificaziuns dal register funsil
- Inoltrar la dumonda per segirar giudizialmain cumprovas
- Examinar e giuditgar pretensiuns d'indemnisaziun
- Far dumondas ed organisar expropriaziuns
- Surpigliar la responsabladad per la mesiraziun e la termaziun dals projects terminads sco er per l'actualisaziun dal register da las parcellas
- Sustegnair e cussegliar vischnancas ed uffizis en il sectur spezial Acquist da terren
Quai che nus giavischain da Vus
- Scolaziun terminada sco fiduziaria u fiduziari d'immobiglias cun patenta d'administratur dal register funsil ubain scolaziun cumparegliabla
- Experientscha professiunala en funcziun sumeglianta è d'avantatg
- Forza da persvader, dun da communitgar e da contractar sco er gronda cumpetenza sociala
- Moda da lavurar structurada, independenta ed exacta
- Abilitad da pensar en moda analitica e concepziunala
- Bunas enconuschientschas da pliras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.