Champ d'incumbensas
Durant tes emprendissadi lavuras ti en in dals set districts da l'Uffizi da construcziun bassa dal Grischun.
Sco spezialista u spezialist d'autos fas ti lavurs generalas da service e da reparatura vi d'autos. Ti sas struvegiar, buglir, saldar, resgiar, fresar ed unscher. Ti midas l'ieli, remplazzas pneus isads, fas lavurs da mantegniment vi da l'illuminaziun, l'indriz da climatisaziun, sistems da ventilaziun, d'envidada e d'injecziun. Ti sas leger ed interpretar documents tecnics, schemas e plans dals sistems electrics. En il sectur da l'electronica dals vehichels fas ti reparaturas pli simplas.
La basa per la scolaziun en il manaschi è – ultra da la promoziun da la part professiunala – il svilup da la cumpetenza metodica, sociala e persunala. Quai vul dir che ti t'acquistas durant tia scolaziun la savida e las enconuschientschas professiunalas da giudim ensi e che ti has las abilitads da dumagnar las pretensiuns en il sectur interuman e professiunal.