Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Dretgira regiunala Plessur è ina dretgira civila e penala d'emprima instanza cun sedia a Cuira. Ad ella èn affiliadas er la Dretgira chantunala da mesiras repressivas e l'Uffizi da mediaziun cun l'Autoritad da mediaziun per dumondas da locaziun da la regiun Plessur. Per onn vegnan tractads ca. 2200 cas (incl. cas da la Dretgira da mesiras repressivas), che vegnan liquidads – en reguard administrativ – da la chanzlia da la dretgira che ha otg collavuraturas e collavuraturs.
Per la Dretgira regiunala Plessur tschertgain nus per il 1. da schaner 2027 u tenor cunvegna
ina collavuratura u in collavuratur da chanzlia.
Voss champ d'incumbensas
- Administrar ils cas davent da l'entrada fin al rendaquint ed a l'archivaziun (elavurar la posta, controllar ils termins ed ils custs, tgirar la correspundenza generala cun las partidas, las advocatas ed ils advocats sco er cun las autoritads e.u.v.)
- Organisar ed elavurar posteriuramain tractativas, audiziuns ed interrogaziuns
- Scriver independentamain diversas correspundenzas, disposiziuns processualdirectivas e decisiuns
- Servetsch da telefon e da spurtegl
Quai che nus giavischain da Vus
- Ina scolaziun da basa commerziala terminada (ina furmaziun supplementara en il sectur paralegal è d'avantatg)
- En il cas ideal experientscha professiunala tar ina dretgira, en in'advocatura u tar l'administraziun publica
- Fitg bunas enconuschientschas dal tudestg, enconuschientschas dal talian èn d'avantatg
- Ina moda da lavurar structurada, prospectiva, independenta e precisa
- Ina persunalitad fidada, da buna luna ed abla da lavurar en in team
- Prontezza da surpigliar servetschs da pichet
Nus ans legrain da Vossa annunzia online e da far Vossa enconuschientscha.