Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Dretgira regiunala Plessur è ina dretgira civila e penala d'emprima instanza cun sedia a Cuira. Ad ella èn affiliadas er la Dretgira chantunala da mesiras repressivas e l'Uffizi da mediaziun cun l'Autoritad da mediaziun per dumondas da locaziun da la regiun Plessur. La chargia da lavur cumpiglia ca. 2200 cas per onn (inclusiv ils cas da la Dretgira da mesiras repressivas). L'actuariat è occupà actualmain cun otg persunas e cun 680 pertschients da plazzas e liquidescha ina part considerabla da la chargia da lavur.
Per la Dretgira regiunala Plessur tschertgain nus per il 1. da december 2026 u tenor cunvegna ina giurista u in giurist sco actuara u actuar da dretgira.
Voss champ d'incumbensas
- Scleriments giuridics en il dretg civil e penal
- Sustegn da las derschadras e dals derschaders en la direcziun da process
- Protocollaziun durant las tractativas giudizialas ed en connex cun las registraziuns da cumprovas
- Redacziun da decisiuns, sentenzias, conclus e disposiziuns
- Dal rest resultan las incumbensas da la Lescha davart l'organisaziun giudiziala (DG 173.000)
Quai che nus giavischain da Vus
- In studi da giurisprudenza terminà en Svizra, patenta d'advocata u d'advocat è giavischada
- Experientscha pratica, en il cas ideal tar ina dretgira, en in'advocatura u tar l'administraziun publica
- Moda da lavurar structurada, prospectiva, independenta e precisa
- Persunalitad fidada ch'è abla da lavurar en in team e da supportar squitsch
Nus ans legrain da Voss documents d'annunzia cumplets, inclusiv curs da vita, attestats da lavur dals ultims onns, referenzas sco er extracts actuals dal register penal e dal register da scussiun.