Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Administraziun chantunala da taglia è cumpetenta per incassar las taglias directas en il chantun Grischun, uschenavant che la legislaziun na prevesa betg ina cumpetenza da la Confederaziun u da las vischnancas. La partiziun Taglias spezialas, secziun Taglia anticipada, presta ina contribuziun impurtanta per la taxaziun correcta da las taglias sin la facultad e da las taglias anticipadas.
Perl'Administraziun da taglia dal Grischun, partiziun Taglias spezialas, secziun Taglia anticipada, tschertgain nus per immediat u tenor cunvegna ina referendaria u in referendari Taxaziun da las vaglias.
Voss champ d'incumbensas
- Controllar ils registers da vaglias da las persunas natiralas
- Eruir ils retgavs e las valurs da facultad suttamess a la taglia
- Fixar ils dretgs da restituziun da la taglia anticipada federala sco er la retenziun supplementara USA
- Controllar e fixar las taglias estras a la funtauna ch'èn imputablas
- Collavurar cun las vischnancas ed il cumissariat
Quai che nus giavischain da Vus
- Scolaziun commerziala u equivalenta
- Plirs onns experientscha professiunala en il sectur bancar u fiduziar, en il cas ideal cun experientscha en il sectur da vaglias u da taglia
- Persunalitad cun senn da responsabladad, discreta, conscienziusa ed abla da supportar squitsch
- Bunas enconuschientschas da l'informatica
- Plaschair da lavurar independentamain
- Prontezza da frequentar furmaziuns supplementaras professiunalas
- Dun da contractar sco er expressiun segira a bucca ed en scrit per tudestg
- Bunas enconuschientschas da pliras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.