Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, la construcziun, il mantegniment e la gestiun da las vias chantunalas sco er per la correcziun dals curs d'aua e per il traffic plaun en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter auter punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, rendan nossa lavur pretensiusa e multifara. Sco uffizi certifitgà sco «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).
Per la secziun Informatica tschertgain nus per immediat u tenor cunvegna ina practicanta u in practicant dad IT.La plazza da praticum è limitada ad 1 onn.
Voss champ d'incumbensas
- Vus sustegnais noss support dad IT, en spezial:
o cun garantir il support da l'emprim nivel
en l'administraziun centrala a Cuira
o sco supporter dal segund nivel per ils
powerusers dals set districts e da la secziun
Tecnica,
o tar il tracking da pendenzas e da tickets
averts,
o cun installar clients ed endrizzar plazzas da
lavur dad IT
- Vus creais e publitgais documents da soluziun (FAQ, documentaziuns) per ils powerusers e per las utilisadras ed ils utilisaders
- Vus garantis che las prescripziuns surordinadas da segirezza e da qualitad vegnian observadas
Quai che nus giavischain da Vus
- Fitg gronda affinitad per la IT en la realisaziun dals champs d'incumbensas cun ina gronda prontezza da furnir prestaziuns. Ina scolaziun da basa professiunala en il sectur da l'informatica vegn giavischà
- Communicaziun cun las differentas gruppas en mira cun s'orientar als servetschs sco er a las adressatas ed als adressats
- Abilitad da lavurar en in team e dun da communitgar
- Atgna iniziativa e conscienza per la qualitad
- Moda da lavurar orientada a las finamiras ed a las soluziuns
Nus ans legrain da Vossa annunzia online e da far Vossa enconuschientscha.