Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi chantunal dal servetsch social presta per incumbensa da las vischnancas l'agid social persunal e l'agid persunal per persunas dependentas. Plinavant sustegna el persunas d'acceder a l'agid social economic. Per quest intent maina el otg servetschs socials regiunals en las regiuns dal chantun. Il Servetsch social regiunal Partenz / Signuradi / Tschintg Vitgs è responsabel per 18 vischnancas cun 42 000 abitantas ed abitants.
Cussegliaziun sociala, agid per persunas dependentas e sustegn finanzial (gr.ch)
Per noss biro regiunal a Landquarttschertgain nus per il 1. d'october 2026 u tenor cunvegna ina secretaria / referendaria u in secretari / referendari.
Voss champ d'incumbensas
- Collavurar stretgamain cun las lavureras ed ils lavurers socials en connex cun il sustegn finanzial da persunas cun il status da protecziun S da l'Ucraina en alloschis individuals
- Registrar la situaziun da novas clientas e novs clients e dar infurmaziuns specificas al telefon ed a la recepziun
- Endatar ed elavurar datas en il sistem electronic d'administraziun da cas
- Elavurar dumondas per agid social e per prestaziuns liadas a la situaziun
- Dumandar offertas sco er far annunzias e mutaziuns tar las cassas da malsauns, tar las assicuranzas da responsabladad sco er tar las autoritads da migraziun
- Esser la persuna da contact per las clientas ed ils clients al telefon ed a la recepziun
- Sustegnair las lavureras socialas ed ils lavurers socials en connex cun lavurs administrativas
- Liquidar lavurs generalas da secretariat
- Coordinar e fixar termins da cussegliaziun
- Liquidar ulteriuras activitads multifaras, interessantas e da gronda responsabladad
Quai che nus giavischain da Vus
- Scolaziun terminada en il sectur commerzial u diplom d'ina scolaziun cumparegliabla cun experientscha professiunala da plirs onns
- Applicaziun segira dals programs usitads da Microsoft Office
- Stil da communitgar empatic, cler ed orientà als servetschs
- Bunas abilitads administrativas ed organisatoricas
- Moda da lavurar independenta, constructiva e cun senn da responsabladad – er en situaziuns hecticas
- Moda da lavurar exacta e structurada
- Plaschair d'As occupar cun dumondas socialas sco er da lavurar cun persunas da differenta derivanza sociala e/u culturala
- Enconuschientschas da las assicuranzas socialas sco er da linguas estras èn d'avantatg
Nus ans legrain da Vossa annunzia online e da far Vossa enconuschientscha.