Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la segirezza da victualias e per la sanadad d'animals è in post da servetsch dal Departament d'economia publica e fatgs socials. En ils chantuns Grischun e Glaruna garantescha el la protecziun cunter epidemias d'animals, la realisaziun da la protecziun dals animals sco er la controlla da la producziun primara d'animals. Per proteger cunter victualias ed objects da diever malsegirs ed engianants surveglia el ultra da quai las chadainas da producziun e da distribuziun dals manaschis pertutgads.
Per il1. da fanadur 2027 u tenor cunvegna tschertgain nus ina manadra u in manader da l'Uffizi per la segirezza da victualias e per la sanadad d'animals (cun a medem temp la funcziun da veterinaria chantunala u veterinari chantunal).
Voss champ d'incumbensas
- Manar il post da servetsch cun circa 80 collavuraturas e collavuraturs
- Surpigliar la responsabladad organisatorica, persunala e finanziala per il post da servetsch
- Garantir in'execuziun effizienta da las leschas en ils chantuns Grischun e Glaruna che appartegnan al champ da cumpetenzas dal post da servetsch
- Procurar per ina communicaziun interna ed externa adequata
- Exequir la funcziun da la veterinaria chantunala u dal veterinari chantunal dals chantuns Grischun e Glaruna
- Surpigliar la responsabladad professiunala per exequir la legislaziun davart las epidemias d'animals e la protecziun dals animals sco er la legislaziun davart ils medicaments e las victualias en il sectur da la producziun primara d'animals e da la meztga en Grischun e Glaruna
- Cooperar en differents gremis naziunals e chantunals
Voss profil
- Fermas abilitads directivas ed experientscha professiunala da plirs onns en ina posiziun sumeglianta
- Diplom federal sco veterinaria uffiziala u veterinari uffizial
- Bunas enconuschientschas da las relaziuns economicas, ruralas e politicas dal Grischun
- In pensar ed agir innovativ che s'orientescha a princips d'interpresa sco er a servetschs ed a soluziuns
- Plaschair da decider e da sa far valair
- Ina gronda cumpetenza sociala sco er flexibilitad, discreziun e l'abilitad da supportar squitsch
- Abilitads excellentas da communitgar ed in'expressiun segira en tudestg
- Bunas enconuschientschas da pliras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.