Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Sco center da cumpetenzas da HR realisescha l'Uffizi da persunal incumbensas strategicas ed operativas per l'entira administraziun chantunala dal Grischun. Nus contribuin al fatg, ch'il chantun Grischun è in patrun attractiv e progressiv. En nossa partiziun Cussegliaziun da persunal vegnan tut ils departaments, ils posts da servetsch, las dretgiras e las instituziuns cussegliadas e sustegnidas en moda cumpetenta en connex cun ils temas dal HR lifecycle. Tar nus ta spetga in team engaschà, colleghial e communicativ, nua ch'il sustegn vicendaivel ha ina gronda impurtanza.
Ti vuls surpigliar responsabladad, cussegliar sin il medem nivel las persunas da cader e gidar a concepir activamain il futur da l'administraziun chantunala? Ti prendas per mauns en moda pragmatica las sfidas e na perdas er en situaziuns cumplexas betg la survista? Alura es ti la dretga persuna per nus! Per rinforzar noss team tschertgain nus per il 1. da schaner 2027 u tenor cunvegnaina partenaria u in partenari da HR business.
Tes champ d'incumbensas
- Cussegliar ed accumpagnar las persunas da cader e las persunas responsablas per il persunal en l'agen champ da cumpetenza entaifer l'administraziun chantunala
- Surpigliar la responsabladad per l'entir HR lifecycle – da la recrutaziun sur il svilup fin a l'extrada.
- Accumpagnar process da midada e reorganisaziuns
- Accumpagnar recrutaziuns (tranter auter analisas dal profil da la persunalitad, assessments)
- Cussegliar ed accumpagnar las persunas da cader a planisar la successiun e la furmaziun da talents
- Realisar scolaziuns da HR per las persunas da cader sco er per collavuraturas e collavuraturs
- Manar e cooperar en projects per optimar e digitalisar process da HR u applicaziuns spezialas
- Esser partenaria u partenari durant la realisaziun da la strategia da HR
Quai giavischain nus da tai
- Attestat professiunal federal da HR u diplom da scola auta cun accent sin resursas umanas u sin ina direcziun sumeglianta
- Experientscha da plirs onns en ina funcziun consultativa da HR, en il cas ideal sco partenaria u partenari da HR business
- Moda da lavurar independenta, structurada, fidada e discreta
- Affinitad digitala e chapientscha per ils meds da communicaziun moderns
- Demananza suverana sco er l'abilitad d'accumpagnar en moda constructiva las persunas da cader
- Abilitad da supportar squitsch e stil da communitgar segir
- Persunalitad empatica ed autentica ch'è orientada al team e che ha ina tenuta da basa positiva
Nus ans legrain da tia annunzia online e d'emprender d'enconuscher tai.