La Cassa da pensiun dal Grischun è la pli gronda instituziun da provediment en il chantun Grischun. Ella ha passa 10 000 persunas assicuradas, passa 4000 persunas pensiunadas sco er 130 patruns da lavur affiliads. Nus administrain ina facultad da provediment da 4,5 milliardas francs.
Nossas persunas assicuradas èn tranter auter las collavuraturas ed ils collavuraturs dal chantun Grischun, dals instituts da dretg public, da vischnancas, scolas ed instituziuns dal sectur da sanadad e social. Grazia a questa diversitad è nossa lavur variada e procura mintga di per dumondas captivantas e pretensiusas.
Per noss team da provediment tschertgain nus per il 1 d'october 2026 u tenor cunvegna ina persunalitad engaschada cun orientaziun als servetschs sco spezialist u spezialist da provediment.
En questa plazza variada essas Vus la persuna da contact per nossas persunas assicuradas ed ils patruns da lavur. Cun Vossa cussegliaziun cumpetenta ed orientada a la soluziun procurais Vus per l'emprima impressiun da la CPGR.
Voss champ d'incumbensas
- Gestiun dal portal da las persunas assicuradas e dals patruns da lavur «myPKGR»
- Elavurar las interfatschas dals salaris mensils
- Elavurar l'entrada e la sortida da pajaments (prestaziuns d'entrada e d'extrada, acquists, retratgas anticipadas per proprietads d'abitar ed impegnaziuns)
- Realisar cumpensaziuns dal provediment professiunal en cas da divorzis sco er elavurar decleranzas benefiziarias e da partenadis da vita
- Sustegnair cas da prestaziuns en connex cun nossa reassicuranza
- Planisar e far visitas tar patruns da lavur, occurrenzas d'infurmaziun, referats e webinaris
- Gidar a concepir projects, optimar noss process e la digitalisaziun
Quai che nus giavischain da Vus
- Experientscha professiunala e furmaziun supplementara en il provediment professiunal (persuna spezialisada per il provediment professiunal cun certificat professiunal)
- Plaschair d'analisar dumondas cumplexas e da sviluppar soluziuns praticas
- Moda da lavurar autonoma, structurada e responsabla
- Ferma orientaziun als basegns da la clientella ed als servetschs
- Demananza segira e plaschair da represchentar la CPGR a chaschun da visitas tar patruns da lavur, occurrenzas d'infurmaziun, referats e webinaris
- Enconuschientschas dal sistem administrativ SwissPension èn d'avantatg
- Teamplayer cun plaschair d'ina collavuraziun averta e respectusa cun curtas vias da decisiun
- Bunas enconuschientschas da pliras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.