Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la natira e l'ambient exequescha las leschas federalas davart la protecziun da las auas, da l'ambient sco er da la natira e da la cuntrada. Tar nossas incumbensas tutgi da controllar projects areguard l'observanza dal dretg d'ambient, da controllar stabiliments, da conceder contribuziuns, d'emetter permissiuns sco er d'observar l'ambient e da far educaziun ecologica. Ultra da quai coordinain nus la realisaziun da la Strategia dal clima e da la biodiversitad.
Tar l'Uffizi per la natira e l'ambient lavuran var 60 spezialistas e spezialists. Il team dal secretariat sa cumpona da quatter persunas ed è responsabel per l'administraziun da tut il team.
Per l'Uffizi per la natira e l'ambient tschertgain nus per il1. d'october 2026 u tenor cunvegna ina manadra u in manader per il secretariat.
Tes champ d'incumbensas
- Ti mainas il secretariat e procuras per in andament effizient e senza disturbis da las fatschentas quotidianas.
- Ti coordineschas la repartiziun da las lavurs en il team, prioriseschas las lavurs e procuras ch'ils process definids vegnian observads.
- Ti es l'emprima persuna da contact per il team dal secretariat sco er per las collavuraturas ed ils collavuraturs da l'uffizi en connex cun dumondas ed incumbensa enturn il secretariat.
- Ti sviluppas vinavant ils andaments en il secretariat, documenteschas process e guardas che quels vegnian optimads cuntinuadamain.
- Ti surpiglias lavurs administrativas variadas sco il servetsch da telefon e da posta, la gestiun dal caum postal central sco er la registraziun da documents en l'administraziun da fatschentas.
- Ti controlleschas texts e coordineschas la spediziun da conclus da la Regenza e disposiziuns dal departament.
- Sco CMI poweruser sustegnas ti l'ulteriur svilup da l'administraziun da fatschentas e collavuras a projects.
- Ti coopereschas a la transfurmaziun digitala ed ad ulteriurs projects.
Quai giavischain nus da tai
- Ti has terminà ina scolaziun commerziala ed has plirs onns experientscha professiunala.
- Ti has gia manà in secretariat u has experientscha da manar persunas.
- Ti es ina persunalitad engaschada cun senn per la qualitad, cun atgna iniziativa e cun capacitad da persvader.
- Ti has in fitg bun dun receptiv e plaschair dad incumbensas e temas variads.
- Ti es pronta u pront da ta far valair en process che sa midan, en il rom da la transfurmaziun digitala
- Ti has bunas enconuschientschas d'utilisar la IT ed es averta u avert envers sistems dal manaschi intern.
- Ti lavuras gugent ensemen cun in team, has la prontezza da liquidar tias incumbensas en moda flexibla, e quai cun t'orientar a la prestaziun da servetschs.
- Ti has ina expressiun segira en tudestg a bucca ed en scrit. Bunas enconuschientschas da pliras linguas chantunalas èn d'avantatg.
Nus ans legrain da tia annunzia online e d'emprender d'enconuscher tai.