Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Plantahof è in post da servetsch dal Departament d'economia publica e fatgs socials ed il center da cumpetenza per la furmaziun e la cussegliaziun agricula en il chantun Grischun. Ultra da la scola professiunala spezialisada d'agricultura porscha il Plantahof diversas scolaziuns cuntinuantas, curs da perfecziunament e dietas. Plinavant è el cumpetent per la cussegliaziun e l'intermediaziun cumplessiva da savida spezialisada a favur dals manaschis agriculs e dals manaschis d'alp dal Grischun e dal chantun Glaruna sco er d'ulteriurs circuls che han in connex cun temas da l'agricultura. Per quests intents maina el er in agen bain puril d'emprova en quatter differents lieus, inclusiv duas butias dal bain puril. La finala dispona el er d'in center da dietas cun internat, auditori e manaschi d'alimentaziun.
Per il 1. d'october 2026 u tenor cunvegna tschertgain nus ina tecnologa u in tecnolog da latg.
Voss champ d'incumbensas
- Producziun autonoma da products da latg innovativs d'auta qualitad per il center da dietas, l'atgna butia dal bain puril ed ulteriuras clientas e clients
- Producziun d'ina gronda paletta da spezialitads da latg-vatga, latg-chaura e latg-nursa, ensemen cun ina persuna en scolaziun
- Responsabladad per in'auta qualitad constanta dal product
- Far valair atgnas ideas per optimar il sortiment
- Tenor pussaivladad: Cooperaziun tar curs da furmaziun supplementara
Quai che nus giavischain da Vus
- Scolaziun terminada sco tecnologa u tecnolog da latg ubain sco signuna u signun
- Experientscha professiunala d'elavurar chaschiel e/u latg è d'avantatg
- Experientscha d'ir enturn cun differentas sorts da latg (vatga, nursa, chaura) è in plus
- Flair per novs trends dal martgà e far valair ideas innovativas per novs products
- In fitg bun senn per igiena sco er bunas enconuschientschas da las prescripziuns da victualias
- Moda da lavurar independenta, structurada ed orientada a soluziuns
- La lingua da lavur generala è tudestg. Enconuschientschas d'ina ulteriura lingua chantunala èn d'avantatg.
Nus ans legrain da Vossa annunzia online e da far Vossa enconuschientscha.