Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da militar e da protecziun civila è il post chantunal spezialisà per tut ils fatgs en ils secturs militar, protecziun civila e protecziun da la populaziun ed exequescha las leschas respectivas.
La protecziun civila è ina da las tschintg organisaziuns partenarias da la protecziun da la populaziun (polizia, pumpiers, sectur da sanadad, manaschis tecnics, protecziun civila).
Il chantun Grischun ha var 1700 appartegnents da la protecziun civila. Els prestan lur servetsch en las cumpagnias regiunalas da la protecziun civila sco er en differentas furmaziuns spezialas.
L'Uffizi da militar e da protecziun civila tschertga per il 1. da november 2026 u tenor cunvegna ina instructura u in instructur da protecziun civila
Voss champ d'incumbensas
- Scolaziun e furmaziun supplementara da persunas obligadas da far protecziun civila, en tut ils secturs spezials dal stgalim d'equipa fin tar il cader
- Elavurar documents da scolaziun didactics e tenor funcziuns
- Sustegnair e cussegliar ils cumandants ed ils caders da las cumpagnias regiunalas da la protecziun civila en connex cun acziuns e cun scolaziuns
- Surpigliar la direcziun da l'acziun da la protecziun civila en cas d'eveniments
- Cussegliar e sustegnair ils stabs directivs communals
- Direcziun persunala, specifica ed organisatorica d'ina cumpagnia da protecziun civila u d'ina furmaziun speziala
- Collavurar a projects
Quai che nus giavischain da Vus
- Diplom professiunal cun plirs onns experientscha professiunala
- Scolaziun terminada sco instructura u instructur da protecziun civila cun certificat professiunal federal u la prontezza d'absolver questa scolaziun (durada: 2 onns ed 8 mais)
- Gronda prontezza da prestar servetschs ed abilitad da lavurar en in team en in ambient interdisciplinar
- Persunalitad innovativa cun in pensar cumplessiv e cun fermezzas concepziunalas e communicativas
- Abilitads versadas d'organisar, planisar e coordinar
- Gronda cumpetenza sociala, flexibilitad ed abilitad da supportar squitsch
- Bunas enconuschientschas da pliras linguas chantunalas èn d'avantatg
- Almain categoria da manischar B
Nus ans legrain da Vossa annunzia online e d'emprender d'enconuscher Vus.