Manadra u manader da project ICT per projects da digitalisaziun

Uffizi d'informatica | 60–100 % | Cuira

S'annunziar online
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.

Es ti pronta u pront da gidar a sviluppar la transfurmaziun digitala? Sco center da servetschs e da cumpetenzas per ICT da l'administraziun chantunala dal Grischun sustegnain nus nossa clientella interna cun ina infrastructura da basa segira e cun applicaziuns progressivas. Ensemen cun tai faschain nus avanzar la transfurmaziun digitala dal chantun Grischun.

Nus sco Uffizi d'informatica tschertgain perquai per immediat u tenor cunvegna ina manadra u in manader da project ICT per projects da digitalisaziun.

Tes champ d'incumbensas

  • Ti ageschas sco mainaproject ICT ed has la responsabladad per projects da digitalisaziun davent da l'inizialisaziun fin a la terminaziun cun success
  • Ti fas documentaziuns da projects, analisas, rapports e preschentaziuns per differentas gruppas en mira
  • Ti elavuras soluziuns digitalas e resguardas en quest connex l'architectura dad e-government, da segirezza e d'integraziun 
  • Ti porschas sustegn tar acquisiziuns e surveglias ils progress dals projects, las ristgas, la qualitad ed ils custs
  • Ti sustegnas las manadras ed ils manaders da project en ils posts da servetsch, en il rom da nossa community da management da projects / analisas da business

Quai giavischain nus da tai

  • Scolaziun u furmaziun supplementara en informatica, informatica economica u en in conturn cumparegliabel
  • Plirs onns experientscha professiunala sco manadra u manader da project ICT, en il cas ideal cun ina furmaziun supplementara / certificaziun en il sectur HERMES, IPMA u PMI
  • Experientscha en analisas da business ed en il management da pretensiuns
  • Bunas abilitads da communitgar ed ina moda da lavurar structurada ed orientada al team
  • Bunas enconuschientschas a bucca ed en scrit dal tudestg

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi d'informatica
Rosenweg 4
7001 Cuira

Has ti dumondas? T'annunzia tar Marco Caprez, manader Projects da digitalisaziun, sut il numer da telefon 081 257 28 85, u tar Heinz Patt, responsabel per il persunal, sut 081 257 31 71

Nus acceptain mo annunzias directas – dumondas da biros per l'intermediaziun da plazzas na resguardain nus betg.

Termin d'annunzia: 26 d'avust 2026


Nus ans legrain da tia annunzia online e d'emprender d'enconuscher tai.
S'annunziar online