Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Departament d'infrastructura, energia e mobilitad (DIEM) cumpiglia ils secturs: energia, forza idraulica, privels da la natira, traffic public, construcziun auta e bassa, acquisiziuns, guaud sco er chatscha, animals da rapina gronds e pestga. El è dividì en tschintg uffizis sco er en il Secretariat dal departament che porscha – sco organ da stab central – in vast sustegn a la scheffa dal departament tar la direcziun specifica e politica dal departament.
Il Secretariat dal departament furnescha ses servetschs en il nov center administrativ «sinergia» en in ambient da lavur modern, avert e digital, directamain sper la staziun Cuira Vest. Ultra da quai exista la pussaivladad da lavurar parzialmain en il homeoffice.
Per il Secretariat dal departament DIEM tschertgain nus per il 1. da november 2026 u tenor cunvegna ina giurista u in giurist.
Voss champ d'incumbensas
- Tgirar giuridicamain las fatschentas attribuidas al departament cun accent sin ils temas guaud e protecziun cunter privels da la natira.
- Sustegnair punctualmain ils secturs chatscha e pestga sco er construcziun bassa
- Garantir in decurs dals affars regulà cun ils posts da servetsch attribuids per l'assistenza giuridica
- Elavurar propostas, disposiziuns, contracts, rapports e posiziuns sco er sbozs per missivas, per intervenziuns parlamentaras e per decrets giuridics en ils secturs attribuids
- Elavurar recurs e rediger scrittiras giuridicas per mauns da las dretgiras
Quai che nus giavischain da Vus
- Studi da scola auta en giurisprudenza, scolaziun supplementara è d'avantatg
- Experientschas praticas en ils conturns d'ina administraziun publica èn giavischadas
- Abilitad d'elavurar fatgs cumplexs, fin ch'els èn pronts per la decisiun
- Gronda atgna motivaziun, iniziativa, abilitad da supportar squitsch ed abilitad da lavurar en in team
- Bunas abilitads communicativas
- Enconuschientschas excellentas dal tudestg vegnan premessas.
- Bunas enconuschientschas da pliras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.