Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, la construcziun, il mantegniment e la gestiun da las vias chantunalas sco er per la correcziun dals curs d'aua e per il traffic plaun en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter auter punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, rendan nossa lavur pretensiusa e multifara. Sco uffizi certifitgà sco «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).
Per la partiziun Mantegniment da las vias tar il district 6 Glion tschertgain nus, per il 1. da mars 2027 u tenor cunvegna, ina manadra u in manader da l'Uffizi districtual da construcziun bassa.
Voss champ d'incumbensas
- Avair la responsabladad generala per la direcziun operativa, persunala e strategica da l'Uffizi districtual da construcziun bassa cun ca. 50 collavuraturas e collavuraturs che lavuran en moda decentrala sin diversas basas
- Surpigliar la responsabladad per il mantegniment funcziunal ed architectonic da las vias chantunalas sco er per la renovaziun da las vias da colliaziun
- Manar, promover e sviluppar vinavant las collavuraturas ed ils collavuraturs sco er garantir ina cultura administrativa orientada als servetschs
- Represchentar l'Uffizi da construcziun bassa en il district sco er coordinar e collavurar cun las vischnancas, ils posts chantunals, ils biros d'inschigneria, ils interprendiders sco er cun las ulteriuras gruppas d'interess en il district
Quai che nus giavischain da Vus
- Studi tecnic terminà, scolaziun d'impressari u scolaziun cumparegliabla en il sectur d'inschigneria da construcziun, da construcziun bassa u da secturs professiunals sumegliants
- Experientscha professiunala e da manar da plirs onns, en il cas ideal en l'administraziun publica, en il sectur da la construcziun bassa u en in ambient da l'infrastructura
- Persunalitad cun grond dun da manar e cun blera cumpetenza sociala, integritad e forza da persvader
- Abilitad da motivar las collavuraturas ed ils collavuraturs, da sviluppar vinavant teams e da viver ina cultura da manar apprezianta
- Dun da contractar ed experientscha en il contact cun differentas gruppas d'interess
- Ina demananza segira sco er in stil da communicaziun segir en tudestg, quai tant a bucca sco en scrit
- Bunas enconuschientschas da pliras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.