Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la furmaziun professiunala (UCFP) è in post da servetsch dal Departament d'educaziun, cultura e protecziun da l'ambient (DECA) e realisescha las incumbensas da la politica da furmaziun da la Confederaziun e dals chantuns concernent la furmaziun professiunala da basa. Plinavant è l'uffizi il post da cumpetenza en dumondas da la tscherna da professiun, da scola e da studi sco er l'instanza che accumpogna durant l'entira carriera professiunala.
La partiziun Contribuziuns e finanzas s'occupa da tut las chaussas finanzialas da l'Uffizi per la furmaziun professiunala. Quai cumpiglia tranter auter da cooperar a l'elavuraziun d'incaricas da prestaziun, da controllar subvenziuns ed il pajament da contribuziuns a scolas professiunalas spezialisadas e soluziuns transitoricas u da pajar e facturar ils custs da las proceduras da qualificaziun.
Per il 1. da schaner 2027 u tenor cunvegna tschertgain nus ina referendaria u in referendari per Contribuziuns e finanzas (plazza limitada fin ils 31 da december 2028).
Voss champ d'incumbensas
- Manar independentamain la contabilitad da crediturs e da debiturs
- Sustegnair l'execuziun finanziala da las proceduras da qualificaziun
- Controllar ils quints extrachantunals dals daners da scola
- Gidar ad elavurar ils rendaquints dals curs intermanaschials
- Lavurs generalas da contabilitad
Quai che nus giavischain da Vus
- Ina scolaziun commerziala da basa (eventualmain cun ina scolaziun cuntinuanta en contabilitad)
- Bunas enconuschientschas dals programs dad MS Office (en spezial Excel) ed interess per applicaziuns specificas
- Bun dun receptiv per connexs cumplexs sco er gronda independenza
- Flexibilitad, abilitad da supportar squitsch, discreziun ed abilitad da lavurar en in team sco er moda da lavurar exacta, cooperativa, speditiva e fidada
- Bunas enconuschientschas da pliras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.