Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per il 1. d'october 2026 u tenor cunvegna tschertgain nus ina collavuratura scientifica u in collavuratur scientific per il team Exposiziuns ed intermediaziuns dal Museum retic dal Grischun tar l'Uffizi da cultura.
Voss champ d'incumbensas
- Manar u collavurar a projects per planisar e per realisar exposiziuns spezialas, incl. elavurar ils temas, far las retschertgas concernent ils objects e scriver ils texts da las exposiziuns
- Organisar e realisar programs accumpagnants cun visitas guidadas e cun occurrenzas
- Respunder dumondas davart objects da la collecziun sco er davart ulteriurs temas pertutgant l'istorgia dal Grischun
- Gidar il team ad amplifitgar ed ad inventarisar la collecziun
- Diversas lavurs da retschertga e da text
Quai che nus giavischain da Vus
- Studi terminà en istorgia u en in sectur specific sumegliant da las scienzas umanas
- Pratica da museum ed experientscha d'intermediar cuntegns istorics
- Experientscha da manar projects
- Moda da lavurar independenta e structurada ed abilitads organisatoricas
- Cumpetenza da communitgar e da sa preschentar
- Persunalitad flexibla e cooperativa ch'è abla da lavurar en in team
- Stil segir en tudestg
- Enconuschientschas dal chantun ed almain d'ina segunda lingua chantunala
Nus ans legrain da Vossa annunzia online e da far Vossa enconuschientscha.