Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da sanadad è in post da servetsch central dal Departament da giustia, segirezza e sanadad dal chantun Grischun. El realisescha las prescripziuns dal dretg federal e chantunal e procura uschia essenzialmain, ch'il provediment da la sanadad en il chantun ha in'auta qualitad, è segir e persistent.
L'uffizi è dividì en ils suandants secturs spezials: permissiuns e surveglianza da las professiuns ed instituziuns da sanadad, servetsch da medi chantunal, controlla da medicaments e da narcotics, finanzas e controlling, promoziun da la sanadad e prevenziun sco er clom d'agid sanitar dal Grischun.
La partiziun Tgira da persunas attempadas e da lunga durada realisescha a partir dal schaner 2027 il pajament da contribuziuns d'assistenza, ch'è vegnì concludì en il rom da la revisiun parziala da la Lescha per promover la tgira da persunas malsaunas.
Voss champ d'incumbensas
- Cussegliar petentas e petents, persunas che dovran assistenza e posts renconuschids areguard il sectur da las contribuziuns da renconuschientscha per porscher assistenza
- Responsabladad per l'entir process da dumonda dal prender encunter, examinar ed elavurar las dumondas e las premissas per avair il dretg da contribuziuns fin al pajament, e quai en collavuraziun cun posts interns ed externs
- Gestiunar ils dossiers electronics
Quai che nus giavischain da Vus
- Vus avais in diplom en il sectur da tgira, assistenza da pratica medicala u fatgs socials ubain ina scolaziun cumparegliabla
- Vus avais experientscha professiunala da plirs onns en il sectur da la tgira u dals fatgs socials, cussegliaziun u d'in sectur sumegliant
- Vus avais plaschair dal contact cun persunas che porschan assistenza, retschaviders da prestaziuns, furniturs da prestaziuns sco er da far scleriments en il sectur da las cundiziuns generalas ed As legrais d'installar e sviluppar vinavant cun nus quest post
- Vus avais fitg bunas abilitads d'ir enturn cun ils programs dad MS Office resp. M365 ed utilisais las applicaziuns usitadas en moda segira ed effizienta, plinavant avais Vus experientscha da duvrar applicaziuns specificas digitalas
- Vus communitgais en in stil segir per tudestg – tant a bucca sco er en scrit. Bunas enconuschientschas da pliras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.