Manadra u manader da la partiziun Manaschi ICT

Uffizi d'informatica | 80–100 % | Cuira

S'annunziar online
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.

Es ti pronta u pront da gidar a concepir la transfurmaziun digitala? Sco center da servetschs e da cumpetenzas per ICT da l'administraziun chantunala dal Grischun sustegnain nus nossa clientella interna cun ina infrastructura da basa segira e cun applicaziuns progressivas. Ensemen cun tai faschain nus avanzar la transfurmaziun digitala dal chantun Grischun.

Nus sco Uffizi d'informatica tschertgain perquai per immediat u tenor cunvegna ina manadra u in manader da la partiziun Manaschi ICT

Tes champ d'incumbensas

  • Ti has la responsabladad generala per il manaschi tecnic da l'informatica chantunala
  • Ti garanteschas in provediment da basa dad ICT segir ed actual per nossa clientella
  • Ti mainas in team da var 30 persunas cun enconuschientschas spezialisadas e cun in ferm spiert da team
  • Ti mantegnas la survista dals custs e dal preventiv
  • Ti t'occupas d'acquisiziuns e preparas contracts sco er disposiziuns
  • Ti mainas projects interdisciplinars e represchentas l'Uffizi d'informatica en il Stab directiv chantunal

Quai giavischain nus da tai

  • In studi terminà en informatica tecnica u en in sectur cumparegliabel
  • Experientscha professiunala da plirs onns en ina posiziun directiva 
  • Ina persunalitad cun forza da persvader, cun senn da qualitad ed abla da supportar squitsch, cun spiert innovativ ed atgna iniziativa
  • Bunas abilitads da communitgar ed ina moda da lavurar structurada ed orientada al team – flexibla ed effizienta
  • In sguard analitic prospectiv sin il martgà, cun in sensori per trends e svilups
  • Fitg bunas enconuschientschas dal tudestg a bucca ed en scrit sco er bunas enconuschientschas da l'englais

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi d'informatica
Rosenweg 4
7001 Cuira

Has ti dumondas? Contactescha Lorenz Tanner, manader da l'uffizi, sut 081 257 32 52 u Heinz Patt, responsabel per il persunal, sut 081 257 31 71

Nus acceptain mo annunzias directas – dumondas da biros per l'intermediaziun da plazzas na vegnin nus betg a resguardar.

Termin d'annunzia: 12 d'avust 2026


Nus ans legrain da tia annunzia online e d'emprender d'enconuscher tai.

S'annunziar online