Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
En il sectur da las scolas medias, da la furmaziun terziara e da la perscrutaziun realisescha l'Uffizi per la furmaziun media-superiura las incumbensas da la politica da furmaziun da la Regenza e dal Departament d'educaziun, cultura e protecziun da l'ambient a favur d'in Grischun sco lieu da furmaziun e da perscrutaziun attractiv.
Per il team da secretariat da l'Uffizi per la furmaziun media-superiura tschertgain nus per il 1. da november 2026 u tenor cunvegna ina secretaria u in secretari
Voss champ d'incumbensas
- Lavurs generalas da secretariat, posta e servetsch da telefon
- Liquidar la correspundenza generala
- Controllar la correctadad formala dals conclus da la Regenza e da las disposiziuns departamentalas da l'uffizi
- Liquidar incumbensas administrativas e planisar ils termins per la direcziun da l'uffizi
- Sustegnair la partiziun da finanzas en la contabilitad dals crediturs e dals debiturs
- Gidar a planisar las expertas ed ils experts dals examens finals a las scolas medias
- Collavurar a l'elavuraziun da la gasetta da furmaziun supplementara
- Porscher sustegn administrativ a las ulteriuras partiziuns da l'uffizi
Quai che nus giavischain da Vus
- Scolaziun commerziala AFQ
- Enconuschientschas en l'applicaziun dal computer, en spezial da l'administraziun da documents cun agid da CMI
- Bunas abilitads administrativas ed organisatoricas
- Enconuschientschas fundadas da l'ortografia tudestga
- Experientscha en in'administraziun ed enconuschientschas dals fatgs da furmaziun èn d'avantatg
- Bun dun receptiv ed abilitad da supportar squitsch en temps da gronda hectica
- Prontezza da concepir la lavur en moda flexibla (en spezial durant la fasa dals examens d'admissiun dal november fin l'avrigl)
- Demananza curtaschaivla e servetschaivla
- Moda da lavurar independenta, exacta ed orientada a las finamiras
Nus ans legrain da Vossa annunzia online e da far Vossa enconuschientscha.