Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala dal Grischun (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas che han commess malfatgs, per impedir ulteriurs acts criminals.
Il Stabiliment giudizial Cazas Tignez ha circa 110 collavuraturas e collavuraturs e dispona da 150 plazs da detenziun per l'execuziun serrada. Var 100 da quests plazs èn per l'execuziun normala, 10 per la partiziun d'entrada, 28 per l'execuziun speziala e 12 per l'arrest d'inquisiziun.
Per il 1. da november 2026 u tenor cunvegna tschertgain nus ina manadra u in manader da l'ufficina per las gruppas d'abitar Arrest d'entrada e d'execuziun sco er Vegliadetgna e sanadad
Voss champ d'incumbensas
- Responsabladad operativa ed organisatorica per las ufficinas attribuidas
- Manar, assister ed instruir las persunas collocadas tenor princips socioprofessiunals
- Far scleriments da qualificaziun; en spezial da las abilitads cognitivas, manualas e creativas
- Promover las persunas collocadas en lur svilup professiunal e social
- Planisar e sviluppar programs d'occupaziun cumplessivs en las ufficinas attribuidas sco er garantir ina structura dal di da las persunas collocadas, che correspunda als basegns e ch'è signifitganta
- Manar discurs individuals cun persunas collocadas (activaziun, lavur da motivaziun, e.u.v.)
- Organisaziun dal process da producziun incl. controlla da qualitad
- Realisar ed observar la segirezza a la lavur
- Collavurar sin plaun interdisciplinar cun tut ils secturs dal stabiliment giudizial Cazas Tignez
Quai che nus giavischain da Vus
- Scolaziun terminada sco accumpagnadra u accumpagnader socioprofessiunal cun diplom federal
- En il cas ideal avais Vus experientscha professiunala en in ambient da lavur sumegliant
- Motivaziun d'instruir e d'assister persunas durant il mintgadi d'execuziun tenor ils princips socioprofessiunals sco er interess per eruir ils potenzials en il sectur manual e creativ
- Persunalitad equilibrada e flexibla cun ina gronda cumpetenza sociala sco er cun l'abilitad da lavurar en in team e da supportar squitsch
- Plaschair da lavurar en in team sco er da collavurar sin plaun interdisciplinar
- Buna moda da s'exprimer a bucca ed en scrit per tudestg; ulteriuras enconuschientschas da las linguas chantunalas ed estras èn d'avantatg
- Permiss da manischar da la categoria B
- Ina conduita irreproschabla vegn premessa (naginas inscripziuns en il register penal ed en il register da scussiun)
Nus ans legrain da Vossa annunzia online e da far Vossa enconuschientscha.