Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l'avegnir da l'administraziun chantunala dal Grischun.
L'Uffizi da guaud e privels da la natira (UGP) è il post spezialisà dal chantun per il guaud e per la protecziun cunter privels da la natira. Las collavuraturas ed ils collavuraturs dal UGP s'engaschan per ils basegns da la societad envers il guaud e garanteschan, ch'il guaud vegnia tractà en moda persistenta.
Ti procuras ch'il guaud grischun
- possia proteger ils umans, ils animals e l'infrastructura,
- saja il spazi da viver da bleras differentas spezias d'animals e da plantas,
- saja il furnitur da materia prima, sco lain, aua ed energia,
- possia esser vinavant in spazi da recreaziun e da temp liber per ils umans.
Nus tschertgain per immediat u tenor cunvegna ina collavuratura u in collavuratur per la scolaziun forestala (70–100 %).
Tes champ d'incumbensas
- Ti sustegnas il manader da scolaziun tar l'organisaziun e la realisaziun dals curs intermanaschials sco er tar las proceduras da qualificaziun
- Sco substituta u substitut dal manader da scolaziun es ti la persuna da contact per las emprendistas ed ils emprendists, per las furmaturas ed ils furmaturs professiunals sco er per las lavurantas ed ils lavurants da guaud, sch'i dat dumondas davart la furmaziun da basa e davart la furmaziun supplementara en il sectur forestal
- En ils curs intermanaschials es ti en funcziun sco manadra u manader da curs e/u sco instructura u instructur
- Ti coopereschas a l'organisaziun dal mund da lavur (OdML) Guaud Grischun
- Tut tenor tia qualificaziun sustegnas ti il sectur en ulteriurs champs tematics sco la segirezza a la lavur, l'organisaziun e realisaziun d'inventarisaziuns, retschertgas da datas e workshops da selvicultura
Quai spetgain nus da tai
- Scolaziun forestala superiura terminada (scola auta spezialisada u scola da selviculturs) u scolaziun cumparegliabla
- Experientscha e plaschair d'ir enturn cun emprendistas ed emprendists
- Moda da lavurar iniziativa, fidada ed orientada al team
- Bunas enconuschientschas da la IT
- Permiss da manischar da la categoria BE u prontezza d'acquistar tal
- La lingua da lavur generala è tudestg; bunas enconuschientschas da pliras linguas chantunalas èn d'avantatg
Sin quai pos ti ta legrar
- Ina incumbensa signifitganta che ha in connex direct cun il guaud e cun la scolaziun forestala
- Lavurar en moda independenta en in team engaschà e colleghial
- Libertad creativa e pussaivladads da svilup
- Cundiziuns da lavur modernas
Nus ans legrain da tia annunzia online e d'emprender d'enconuscher tai.